Categories
News Urdu News

ایم پی اے خرم لغاری اور اسسٹنٹ کمشنر جتوئی ارشد ورک کی تلخ کلامی، مبینہ ٹیلیفون کال منظر عام پر آگئی

مظفر گڑھ (مظفرگڑھ ڈاٹ سٹی نیوز – 03 مئی2021ء)مظفرگڑھ میں بھی رمضان بازاروں سے متعلق عوامی نمائندے کا بیوروکریسی سے تلخ کلامی کا واقعہ پیش آیا۔ایم پی اے خرم لغاری اور اسسٹنٹ کمشنر جتوئی ارشد ورک کی تلخ کلامی کی مبینہ ٹیلیفون کال منظر عام پر آ گئی۔
ایم پی اے خرم لغاری نے کہا کہ رمضان بازاروں کا وزٹ کرانے کا کہا تو آپ نے فون بند کردیا، ارشد ورک نے جواب دیا کہ فون کی بیٹری ختم ہوگئی تھی، آپ جب چاہیں وزٹ کریں، کونسا آپ سے لڑائی ہے۔خرم لغاری بولے لڑائی کرنا چاہتے ہیں تو میں آرہا ہوں، کدھر آنا ہی میں تو جوان ہوں، لوگ کہیں گے بڈھا مار کھا کر آگیا۔
Categories
News Urdu News

مظفرگڑھ،معذور لڑکی سے مبینہ جنسی زیادتی، ملزم کے خلاف مقدمہ درج

مظفر گڑھ (مظفرگڑھ ڈاٹ سٹی نیوز – 30 اپریل2021ء) ضلع مظفرگڑھ میں بااثر زمیندار کے بیٹے کی جانب سے معذور لڑکی کے ساتھ مبینہ جنسی زیادتی کرنے اور بلیک میل کرنے پر پولیس نے مقدمہ درج کرلیا۔مظفرگڑھ کے تھانہ بیٹ میر ہزار کی حدود میں مبینہ طور پر معذور لڑکی سے مقامی زمیندار کے بیٹے نے گنے کی فصل میں گن پوائنٹ پر مبینہ زیادتی کی۔
پولیس کے مطابق ملزم زیادتی کے دوران تصاویر اور ویڈیو بھی بناتا رہا اور دو دن سے لڑکی کو بلیک میل کر رہا تھا اور ایف آئی آر کے مطابق ناجائز تعلقات نہ رکھنے پر ملزم نے اپنی ہی فیس بک آئی ڈی سے برہنہ ویڈیو اور تصاویر اپلوڈ کر دیں۔پولیس نے لڑکی کے بھائی کی مدعیت میں مقدمہ درج کرلیا، جس میں کہا گیا کہ ملزم نے گن پوائنٹ پر زیادتی کی اور ڈراتا رہا کہ اگر کسی کو بتایا تو ویڈیو وائرل کردے گا،ملزم کی بات نہ ماننے پر اس نے سوشل میڈیا پر ویڈیو شیئر کردی۔پولیس کے مطابق متاثرہ لڑکی کا میڈیکل کروا کر ملزم کے خلاف مقدمہ درج کر لیا گیا ہے۔
Categories
News Urdu News

آزاد کشمیر میں ایسے آزادانہ ،غیر جانبدارانہ انتخابات کرانا چاہتے ہیں جن کو دیکھ کر دنیا کو آزاد و مقبوضہ کشمیر میں واضح فرق نظر آ ئے ، سردار مسعود خان

آزاد کشمیر میں لوگوں کو نہ صرف بنیادی شہری آزادیاں حاصل ہیں ،اُنہیں وہ تمام انسانی حقوق بھی حاصل ہیں جن کا تصور جمہوری نظام میں ملتا ہے، صدر آزاد کشمیر

مظفرآباد (مظفرگڑھ ڈاٹ سٹی ۔ 26 اپریل2021ء) آزاد جموں و کشمیر کے صدر سردار مسعود خان نے کہا ہے کہ ہم آزاد کشمیر میں اعلیٰ جمہوری روایات کو مستحکم کرنے کے لیے ایسے آزادانہ اور غیر جانبدارانہ انتخابات کرانا چاہتے ہیں جن کو دیکھ کر دنیا کو آزاد اور مقبوضہ کشمیر کے درمیان واضح فرق نظر آ جائے ۔ کشمیر کے مقبوضہ حصے اپنے جمہوری حق خود ارادیت مانگنے والوں کو گولیوں سے بھون دیا جاتا ہے اور اُن کے وہ حقوق بھی چھین لئے گئے جو اُنہیں ڈوگرہ ڈکٹیٹر حکمران کے دور میں حاصل تھے جبکہ آزاد کشمیر میں لوگوں کو نہ صرف بنیادی شہری آزادیاں حاصل ہیں بلکہ اُنہیں وہ تمام انسانی حقوق بھی حاصل ہیں جن کا تصور جمہوری نظام میں ملتا ہے ۔
یہ بات اُنہوں نے پاسبان حریت کے رہنما مشتاق الاسلام کی قیاد ت میں کشمیری رہنمائوں کے ایک وفد سے گفتگو کرتے ہوئے کہی۔

صدر آزاد کشمیر نے کہا کہ 05 اگست 2019 کے بھارت اقدام کے بعد دنیا میں مسئلہ کشمیر کو اِس کے صحیح تناظر میں اُجاگر کرنے کے متعدد نئے مواقع پیدا ہوئے جن میں سے ایک پارلیمانی سفارتکاری کا بھی ہے ۔ اُنہوں نے کہا کہ اس وقت برطانیہ ، یورپ ، امریکہ اور شمالی امریکہ کی پارلیمانز کے علاوہ مشرق بعید کے ممالک کی پارلیمانز میں کشمیریوں کے جمہوری حقو ق کے لیے جو آوازیں بلند ہو رہی ہیں اُن سے فائدہ اُٹھا کر مسئلہ کشمیر کے حوالے سے بین الاقوامی رائے عامہ کو ہموار کرنے کی سخت ضرورت ہے ۔

اُنہوں نے کہا کہ یہ کام پاکستان کی سیاسی قیادت خاص طور پر پارلیمانی قائدین بخوبی کر سکتے ہیں ۔صدر آزاد کشمیرنے پاکستان کی قومی سیاسی قیادت سے اپیل کی کہ وہ اپنے چھوٹے چھوٹے سیاسی اختلافات کو بھول کر کشمیر جیسے اہم قومی کاز کے لیے متحد ہو جائیں اور دنیا بھر کے دورے کر کے حکومتی ذمہ داران ، پارلیمانی ہم منصبوں ، میڈیا اور سول سوسائٹی کے ساتھ روابط بڑھا کر کشمیریوں کی آواز اُن تک پہنچائیں ، اُنہوں نے کہا کہ کل جماعتی کشمیر ی رابطہ گروپ کی طرز پر آزاد کشمیر کی سیاسی جماعتوں کو بھی ایک بار پھر ایک پلیٹ فارم پر لانے اور اُنہیں مقبوضہ کشمیر کی تحریک آزادی کے فعال کردار ادا کرنے کی بھی شدید ضرورت ہے ۔
اس سے قبل صدر ریاست سے گفتگو کرتے ہوئے وفد کے اراکان مشتاق الاسلام اور عزیر احمد غزالی نے کہا کہ اس وقت مقبوضہ جموں و کشمیر میں شدید بے چینی اور مقبوضہ وادی کے محصور اور مجبور عوام کی نظریں پاکستان اور آزاد کشمیر کی طرف لگی ہوئی ہیں ۔ اُنہوں نے کہا کہ مقبوضہ کشمیر کے عوام چاہتے ہیں کہ آزادی کشمیر کے لوگ وہی کردار ادا کریں جو اُنہوں نے اتحاد و اتفاق کا مظاہر کرتے ہوئے 1947 میں ادا کیا تھا اور اس خطہ کو ڈوگرہ راج سے آزادی دلائی تھی ۔

Categories
News Urdu News

مظفر گڑھ،ڈکیتی کے دوران خاتون سے مبینہ زیادتی، پانچ افراد کے خلاف مقدمہ درج

مظفر گڑھ(اُمظفرگڑھ ڈاٹ سٹی ۔ 23 اپریل2021ء) ضلع مظفر گڑھ میں ڈکیتی کے دوران خاتون سے مبینہ زیادتی اور ویڈیو بنانے کے واقعے کے تین روز گزرنے کے باوجود ملزمان تاحال گرفتار نہ ہو سکے۔مظفرگڑھ میں گھر میں ڈکیتی کے دوران خاتون سے مبینہ زیادتی کی ویڈیو بنانے کا واقعہ تھانہ کرمداد قریشی کی حدود میں پیش آیا۔

تھانہ کرمداد قریشی کے ایس ایچ او محمد کمیل رضا نے کہا کہ متاثرہ خاتون سونیا بی بی کا طبی معائنہ کرالیا گیا جبکہ ملزمان کی گرفتاری پر ان کا ڈی این اے بھی کرایا جائے گا۔

پولیس نے 3 نامزد اور 2 نامعلوم ملزمان کے خلاف مقدمہ درج کر لیا اور ملزمان کی گرفتاری کے لیے چھاپوں شرو ع کر دیئے گئے مقدمے میں مؤقف اپنایا گیا کہ 4 مسلح ملزمان رات گئے گھر میں داخل ہوئے اور نقد اور زیورات لوٹنے کے بعد خاتون سے زیادتی کی اور ایک ملزم نے اس کی ویڈیو بنائی۔

Categories
News Urdu News

جمشید دستی کے خلاف تشدد اور بھتہ خوری کا مقدمہ درج

پولیس نے میرے دفتر میں گھس کر کارکنوں کو تشدد کا نشانہ بنایا اور دفتر کے دروازے شیشے توڑ دیے، جمشید دستی

مظفر گڑھ (اُمظفرگڑھ ڈاٹ سٹی ۔ 19 اپریل2021ء) پاکستان عوامی راج پارٹی کے سربراہ اور سابق رکن قومی اسمبلی جمشید دستی سمیت 4 افراد پر میونسپل کمیٹی کے اہلکار پر مبینہ تشدد اور بھتہ خوری کا مقدمہ درج کر لیا گیا ہے۔ایف آئی آر میں کہا گیا کہ حکومت پنجاب کے گلی محلوں اور سڑکوں سے تعمیراتی مال اٹھانے کا کام جاری ہے اور اسی سلسلے میں مظفر گڑھ کے گل شیر کو بھی ملبہ اٹھوانے کے لیے نوٹس جاری کیا گیا تو اس نے تعمیراتی مال اٹھانے سے انکار کردیا۔
انہوںنے کہاکہ 17 اپریل کی شام 5 بجے میونسپل کارپوریشن کا عملہ ملبہ اٹھانے لگا تو جمشید دستی ساتھیوں کے ہمراہ آ کر ملبہ اٹھانے سے روک دیا اور عملے سے لڑائی جھگڑا کرتے ہوئے انہیں مارنے اور سنگین نتائج کی دھمکیاں دیں جبکہ موبائل بھی چھین لیا۔

ایف آئی آر میں الزام عائد کیا گیا جمشید دستی بھتہ خور ہے اور گل شیر کے ذریعے بھتہ وصول کر کے اس کی پشت پناہی کرتا ہے لہٰذا ان کے خلاف قانونی کارروائی عمل میں لائی جائے۔

مظفر گڑھ کی تھانہ ماڈل ٹاؤن پولیس نے ملزمان کے خلاف تشدد، بھتہ خوری اور کار سرکار میں مداخلت کا مقدمہ درج کر لیا ہے۔دوسری جانب جمشید دستی نے الزامات کی تردید کرتے ہوئے کہا کہ مظفرگڑھ پولیس نے ریاستی دہشت گردی کرتے ہوئے رات گئے میرے دفتر میں گھس کر کارکنوں کو تشدد کا نشانہ بنایا اور دفتر کے دروازے شیشے توڑ دیے۔انہوں نے الزام عائد کرتے ہوئے کہا کہ پولیس میری گاڑی، لائسنس یافتہ رائفل اور پارٹی کی اہم دستاویزات ساتھ لے گئی جس کی میں بھرپور مذمت اور چیف جسٹس آف پاکستان سے انصاف کا مطالبہ کرتا ہوں۔

Categories
News Urdu News

ج*میونسپل کارپوریشن اہلکاروں پر مبینہ تشدد، جمشید دستی پر مقدمہ درج

ٴْحکومت کے سیاسی آلہ کار بننے والے پولیس افسران کیخلاف عدالت سے رجوع کروں گا، جمشید دستی

مظفر گڑھ(مظفرگڑھ ڈاٹ سٹی ۔ 18 اپریل2021ء) میونسپل کارپوریشن کے اہلکاروں پر مبینہ تشدد کرنے کی پاداش میں جمشید دستی پر مقدمہ درج کرلیا گیا۔ عوامی راج پارٹی کے سربراہ اور سابق رکن قومی اسمبلی جمشید دستی سمیت 5 افراد کے خلاف مظفر گڑھ کے تھانہ سٹی میں مقدمہ درج کرلیا گیا۔

پولیس حکام کے مطابق جمشید دستی کے خلاف مقدمہ میونسپل کارپوریشن اہلکار کی مدعیت میں تھانہ سٹی میں درج کیا گیا، مقدمے کے متن کے مطابق حکومت کی ہدایات پر سڑکوں اور محلوں سے کوڑا کرکٹ اور بلڈنگ میٹریل اٹھوانے کا کام جاری ہے، ظفر کالونی سے بلڈنگ میٹریل اٹھوانے لگے تو جمشید دستی مسلح ہوکر ساتھیوں موقع پر پہنچ گئے، جمشید دستی اور اسکے ساتھیوں نے میٹریل اٹھانے سے منع کیا اور اہلکاروں پر تشدد کیا۔

دوسری جانب جمشید دستی کا کہنا ہے کہ عمران خان کی حکومت سیاسی مخالفین کے خلاف جھوٹے مقدمات درج کروارہی ہے، گزشتہ رات پولیس کی بھاری نفری نے میرے گھر پر چھاپہ مارا اور توڑپھوڑ کی، پولیس اہلکاروں نے گھر سے میری گاڑی، قانونی اسلحہ اور دیگر چیزیں بھی اٹھا لیں، مقدمے کے اندراج اور حکومت کے سیاسی آلہ کار بننے والے پولیس افسران کیخلاف عدالت سے رجوع کروں گا۔

Categories
News Urdu News

مظفر گڑھ ، پیرنی نے جن نکالنے کیلئے 3 سالہ بچی کو دیوار پر پٹخ کر موت کے گھاٹ اتار دیا

بچی کی والدہ اور اس کی دادی طبیعت خراب ہونے پر بچی کو پیرنیوں کے پاس لے گئیں ، جہاں ایک پیرنی نے جن نکالنے کا کہہ کر بچی کو ٹانگوں سے پکڑ کر دیوارکی طرف پٹخ دیا ، پولیس نے پیرنیوں کو گرفتار کر کے بچی کے قتل کا مقدمہ درج کرلیا

مظفر گڑھ (مظفرگڑھ ڈاٹ سٹی ۔ 18 اپریل2021ء) جنوبی پنجاب کے شہر مظفر گڑھ میں پیرنی نے جن نکالنے کیلئے 3 سالہ بچی کو دیوار پر پٹخ کر موت کے گھاٹ اتار دیا۔ تفصیلات کے مطابق یہ افسوسناک واقعہ مظفر گڑھ کے علاقے شاہ جمال میں پیش آیا جہاں پیرنی کے مبینہ تشدد سے 3 سال کی بچی جاں بحق ہوگئی۔ بتایا گیا ہے کہ بچی کی والدہ اور اس کی دادی طبیعت خراب ہونے پر بچی کو پیرنیوں کے پاس لے گئیں ، جہاں پیرنی نے جن نکالنے کا کہہ کر بچی کو ٹانگوں سے پکڑ کر دیوارکی طرف پٹخ دیا تاہم پیرنی کے ہاتھوں دیوار پر پٹخے جانے کے باعث بچی کی موقع پر ہی موت واقع ہوگئی۔
پولیس کے مطابق پیرنی کے ہاتھوں بچی کی مبینہ موت پر اس کے والد کی جانب سے ایف آئی آر درج کر ادی گئی ہے ، جس کی روشنی میں دونوں پیرنیوں کو گرفتار کر کے ان کے خلاف بچی کے قتل کا مقدمہ درج کر لیا گیا ہے جب کہ بچی کی تدفین کے بعد اس کی قبر کشائی کے لیے درخواست دی جائے گی۔

دوسری طرف رحیم یار خان کے علاقے مڈدرباری میں جن نکالنے کے لیے پیر نے خاتون پر بہیمنہ تشدد کر دیا ، کس سے خاتون کا بازو ٹوٹ گیا ، متاثرہ خاتون کے رشتے داروں نے تھانہ سی ڈویژن میں کارروائی کیلئے تحریری درخواست دے دی۔

پولیس کے مطابق متاثرہ خاتون اوراس کا شوہرمدعی نہیں بن رہے ہیں اور اہل خانہ نے متاثرہ خاتون کا میڈیکل بھی نہیں کروانے دیا ، تاہم 24 گھنٹوں میں جعلی پیر کے گھر میں 3 مرتبہ چھاپے مارے گئے ہیں ، جعلی پیراوراس کےاہل خانہ گھرسےفرارہیں تاہم جلدہی جعلی پیر کی گرفتاری عمل میں لائی جائے گی۔ خیال رہے کہ ہمارے معاشرے میں جعلی پیروں اور جادو ٹونے کرنے والوں کی بھر مار ہے ، جنہوں نے کئی لوگوں کی زندگیاں برباد کردیں اور آئے روز جعلی عاملوں اور پیروں کے ہاتھوں خواتین ، لڑکیوں کی تذلیل کی جارہی ہے ، کیوں کہ ہمارے ہاں کالے جادو ، شوہر کا ناراض ہونا ، اولاد کا نہ ہونا اور جنات کا سایہ جیسے کئی مسائل نے خواتین کی زندگی اجیرن کردی ہے اور خواتین ان مسائل سے چھٹکارا حاصل کرنے کیلئے جعلی عاملوں سے رجوع کرتی ہیں اور ایسے لوگوں کی باتوں میں آکر اپنا خوشحال گھر اجاڑ بیٹھتی ہیں۔

Categories
News Urdu News

مظفر گڑھ،پیرنی کے دیوار پر پٹخنے سے 3 سالہ بچی جاں بحق

مظفر گڑھ (مظفرگڑھ ڈاٹ سٹی ۔ 18 اپریل2021ء) مظفر گڑھ کے علاقے شاہ جمال میں پیرنی کے مبینہ تشدد سے 3 سال کی بچی جاں بحق ہو گئی۔پولیس کے مطابق پیرنی کے ہاتھوں بچی کی مبینہ موت پر اس کے والد نے ایف آئی آر درج کر ادی ہے۔پولیس کے مطابق دونوں پیرنیوں کو گرفتار کر کے ان کے خلاف بچی کے قتل کا مقدمہ درج کر لیا گیا ہے۔

درج کی گئی ایف آئی آر کے مطابق بچی کی والدہ اور دادی طبیعت خرابی پر بچی کو پیرنیوں کے پاس لے گئیں، پیرنی نے جن نکالنے کا کہہ کر بچی کو ٹانگوں سے پکڑ کر دیوارکی طرف پٹخا۔

ایف آئی آر میں بچی کے والد نے موقف کا اظہار کیا کہ پیرنی کے ہاتھوں دیوار پر پٹخے جانے کے باعث بیٹی کی موت واقع ہوئی ہے۔پولیس کے مطابق بچی کی تدفین کے بعد اس کی قبر کشائی کے لیے درخواست دی جائے گی۔

Categories
News Urdu News

میونسپل کارپوریشن اہلکاروں پر مبینہ تشدد، جمشید دستی پر مقدمہ درج

حکومت کے سیاسی آلہ کار بننے والے پولیس افسران کیخلاف عدالت سے رجوع کروں گا، جمشید دستی کی گفتگو

مظفر گڑھ(مظفرگڑھ ڈاٹ سٹی ۔ 18 اپریل2021ء) میونسپل کارپوریشن کے اہلکاروں پر مبینہ تشدد کرنے کی پاداش میں جمشید دستی پر مقدمہ درج کرلیا گیا۔میڈیا رپورٹ کے مطابق عوامی راج پارٹی کے سربراہ اور سابق رکن قومی اسمبلی جمشید دستی سمیت 5 افراد کے خلاف مظفر گڑھ کے تھانہ سٹی میں مقدمہ درج کرلیا گیا۔

پولیس حکام کے مطابق جمشید دستی کے خلاف مقدمہ میونسپل کارپوریشن اہلکار کی مدعیت میں تھانہ سٹی میں درج کیا گیا، مقدمے کے متن کے مطابق حکومت کی ہدایات پر سڑکوں اور محلوں سے کوڑا کرکٹ اور بلڈنگ میٹریل اٹھوانے کا کام جاری ہے، ظفر کالونی سے بلڈنگ میٹریل اٹھوانے لگے تو جمشید دستی مسلح ہوکر ساتھیوں موقع پر پہنچ گئے، جمشید دستی اور اسکے ساتھیوں نے میٹریل اٹھانے سے منع کیا اور اہلکاروں پر تشدد کیا۔

دوسری جانب جمشید دستی نے کہا کہ عمران خان کی حکومت سیاسی مخالفین کے خلاف جھوٹے مقدمات درج کروارہی ہے، گزشتہ رات پولیس کی بھاری نفری نے میرے گھر پر چھاپہ مارا اور توڑپھوڑ کی، پولیس اہلکاروں نے گھر سے میری گاڑی، قانونی اسلحہ اور دیگر چیزیں بھی اٹھا لیں، مقدمے کے اندراج اور حکومت کے سیاسی آلہ کار بننے والے پولیس افسران کیخلاف عدالت سے رجوع کروں گا۔

Categories
News Urdu News

راستے کے تنازع پر 3 افراد نے 65 سالہ بزرگ کو بہیمانہ تشدد کا نشانہ بناڈالا

مظفرگڑھ(مظفرگڑھ ڈاٹ سٹی ۔ 17 اپریل2021ء) راستے کے تنازع پر 3 افراد نے 65 سالہ بزرگ کو بہیمانہ تشدد کا نشانہ بناڈالا ملزمان کی جانب سے کیے جانے والے تشدد کے دوران 6 سالہ پوتی اپنے دادا کو بچانے کی کوشش کرتی رہی مگر بااثر افراد کو پھر بھی بزرگ پر رحم نہ آیا۔

پولیس ذرائع کے مطابق تھانہ سٹی کوٹ ادو کے علاقے وارڈ نمبر 14 میں راستے کے تنازع پر 3 افراد نے 65 سالہ بزرگ غلام عباس کو بہیمانہ تشدد کا نشانہ بنا ڈالا بزرگ کی 6 سالہ پوتی دادا کو ملزمان کے تشدد سے بچانے کی کوشش کرتی رہی لیکن سنگدل ملزمان کو پھر بھی رحم نہ آیا پولیس نے ملزمان کے خلاف مقدمہ درج کرکے ایک ملزم لیاقت کو گرفتار کرلیا ہے اور باقی 2 ملزمان کی گرفتاری کےلئے کوشش کر رہی ہے جبکہ متاثرہ شخص غلام عباس نے الزام لگایا ہے کہ دونوں ملزمان بااثر ہیں اس لئے پولیس ان کو گرفتار نہیں کر رہی۔