مظفرگڑہ (مظفرگڑھ ڈاٹ سٹی۔ 10 مارچ2023ء) ڈپٹی کمشنر آغا ظہیر عباس شیرازی کی ہدایت پر سرکاری رقبوں پر غیر قانونی عمارتوں کے خلاف بلاامتیاز کارروائی جاری ہے۔
اس حوالے سے میونسپل کارپوریشن کے چیئرمین حامد رضا کی قیادت میں بہاری کالونی محمود کوٹ روڈ اور ڈی جی خاں روڈ پر جیوٹ مل کے قریب تعمیر ہونے والی غیر قانونی عمارتوں کو جانچ پڑتال کے بعد سیل کر دیا گیا۔ اسی طرح ضلع بھر میں سرکاری اراضی پر قبضہ کرنے والوں کے خلاف کارروائیاں جاری ہیں۔ ڈپٹی کمشنر نے کہا کہ قانون کی خلاف ورزی کرنے والوں کو گرفتار اور بھاری جرمانے کیے جائیں گے۔انھوں نے کہا کہ شہر میں غیر قانونی تعمیرات اور تجاوزات کے خلاف آپریشن جاری رہے گا۔