Categories
Urdu News

ٹرکوں میں تصادم، ایک شخص جاں بحق ،ایک زخمی

مظفرگڑھ(مظفرگڑھ ڈاٹ سٹی نیوز – اے پی پی۔ 23 جون2021ء) 2 ٹرکوں میں تصادم کے نتیجہ میں  ایک شخص موقع پر جاں بحق جبکہ  ایک  شخص زخمی ہوگیا۔
ریسکیو زرائع کے مطابق مظفرگڑھ کے علاقے نائی والا ٹبہ چوک سرور شہید روڈ پر 2 ٹرکوں کے درمیان تصادم کے نتیجے میں علی پور کا رہائشی 40 سالہ بلال  موقع پر جاں بحق ہو گیا جبکہ 40 سالہ حنیف زخمی ہو گیا ،  ریسکیو 1122 مظفرگڑھ   نے جائے حادثہ پر پہنچ کر زخمی حنیف کو طبی امداد فراہم کرنے کے بعد رورل ہیلتھ سنٹر چوک سرور شہید منتقل کر دیا   اور جاں بحق ہونے والے شخص کی نعش کو بھی دوسری ایمبولینس کے زریعے رورل ہیلتھ سنٹر چوک سرور شہید منتقل کر دیا گیا۔
Categories
Urdu News

کار الٹنے سے خاتون جاں بحق

مظفرگڑھ (مظفرگڑھ ڈاٹ سٹی نیوز – اے پی پی۔ 23 جون2021ء) مظفرگڑھ  کوٹ ادو روڈ پر پٹھان ہوٹل کے قریب ایک کار الٹ گئی  جس کے نتیجہ میں  ایک خاتون جاں بحق ہوگئی۔
ریسکیو ذرائع کے مطابق خاتون، جس کی شناخت گل افشاں کے نام سے ہوئی، موقع پر جاں بحق  ہو گئی  جبکہ باقی لوگ محفوظ رہے ۔ لاش کو لواحقین کے کہنے پر سٹی ہسپتال ملتان شفٹ کردیا گیا ۔
Categories
Urdu News

مظفر گڑھ:بااثر افراد نے پسند کی شادی کا بدلہ لینے کیلئے لڑکے کی والدہ کو زیادتی کا نشانہ بنا ڈالا

مظفر گڑھ(مظفرگڑھ ڈاٹ سٹی نیوز -22 جون2021ء) علی پور کی حدود فتح پور جنوبی میں بااثر افراد نے پسند کی شادی کا بدلہ لینے کیلیے لڑکے کی والدہ کو زیادتی کا نشانہ بنا ڈالا۔

مظفرگڑھ کی تحصیل تھانہ صدر علی پور کی حدود فتح پور جنوبی میں بااثر افراد نے 50 سالہ خاتون زرینہ کو اغوائ کرکے زیادتی کی کوشش کی اور بہیمانہ تشدد کا نشانہ بناڈالا، ملزمان نے خاتون کو نہ صرف تشدد کا نشانہ بنایا بلکہ نیم برہنہ کرکے سلگتی ہوئی سگریٹ سے اس کے جسم کو بھی داغتے رہے اور اسی حالت میں گھسیٹا بھی۔

پولیس کے مطابق متاثرہ خاتون زرینہ بی بی کے بیٹے ناصر نے کچھ عرصہ قبل پسند کی شادی کی تھی جس پر لڑکی والوں نے ناصر کی ماں زرینہ اور والد اللہ بخش کو اغوائ کیا اور نامعلوم جگہ پر لے گئے جہاں اس کو انہوں نے زیادتی کا نشانہ بنایا۔پولیس نے کارروائی کرتے ہوئے زرینہ کے خاوند اللہ بخش کو ملزمان کی قید سے آزاد کرالیا ہے اور 3 ملزمان کی گرفتاری بھی عمل میں ا?ئی ہے جب کہ متاثرہ خاتون کو تحصیل ہیڈ کوارٹر اسپتال منتقل کردیا گیا ہے۔

Categories
Urdu News

پسند کی شادی کا بدلہ لینے کیلئے لڑکی والوں نے لڑکے کی والدہ کو زیادتی کا نشانہ بنا ڈالا

مظفر گڑھ(مظفرگڑھ ڈاٹ سٹی نیوز – 22 جون2021ء) علی پور کی حدود فتح پور جنوبی میں بااثر افراد نے پسند کی شادی کا بدلہ لینے کیلیے لڑکے کی والدہ کو زیادتی کا نشانہ بنا ڈالا۔

مظفرگڑھ کی تحصیل تھانہ صدر علی پور کی حدود فتح پور جنوبی میں بااثر افراد نے 50 سالہ خاتون زرینہ کو اغواء کرکے زیادتی کی کوشش کی اور بہیمانہ تشدد کا نشانہ بناڈالا، ملزمان نے خاتون کو نہ صرف تشدد کا نشانہ بنایا بلکہ نیم برہنہ کرکے سلگتی ہوئی سگریٹ سے اس کے جسم کو بھی داغتے رہے اور اسی حالت میں گھسیٹا بھی۔

پولیس کے مطابق متاثرہ خاتون زرینہ بی بی کے بیٹے ناصر نے کچھ عرصہ قبل پسند کی شادی کی تھی جس پر لڑکی والوں نے ناصر کی ماں زرینہ اور والد اللہ بخش کو اغواء کیا اور نامعلوم جگہ پر لے گئے جہاں اس کو انہوں نے زیادتی کا نشانہ بنایا۔پولیس نے کارروائی کرتے ہوئے زرینہ کے خاوند اللہ بخش کو ملزمان کی قید سے آزاد کرالیا ہے اور 3 ملزمان کی گرفتاری بھی عمل میں آئی ہے ،متاثرہ خاتون کو تحصیل ہیڈ کوارٹر ہسپتال منتقل کردیا گیا ۔

Categories
Urdu News

معذور افراد ہمارے معاشرے کا اہم حصہ ہیں، اے ڈی سی

مظفرگڑھ (مظفرگڑھ ڈاٹ ستی  ۔19 جون 2021ء ) :ایڈیشنل ڈپٹی کمشنر جنرل احسان الحق نے کہا ہے کہ معذور افراد ہمارے معاشرے کا  اہم حصہ ہیں، ان کی نگہداشت، ان کی صحت کی خیال رکھنا اور ان فلاح وبہبود کیلئے کام کرنا ہم سب کی ذمہ داری ہے یہ بات انہوں نے معذور افراد کی فلاح و بہبود کیلئے کام کرنے والے سرکاری محکموں اور غیر سرکاری تنظیموں کے نمائندگان کے ساتھ ایک اجلاس کی صدارت کرتے ہوئے کہی، انہوں نے کہا کہ سرکاری محکمے اور این جی اوز باہم رابطے اور معاونت سے معذور افراد کو معاشرے کا کار آمد فرد بنانے کیلئے کلیدی کردار ادا کرسکتے ہیں۔
معذور افراد اور ان کے لواحقین سے رابطہ کیا جائے اور ان کو آگاہی دی جائے کہ سرکاری محکمے اور این جی اوز معذور افراد کے فلاح و بہبود کیلئے کیا کیا کام کررہے ہیں تاکہ کوئی خاندان معذور افراد کو بوجھ نہ سمجھے او راس کی تعلیم و تربیت اور بحالی کیلئے ان سے مستفید ہوسکے۔ انہوں نے مزید کہا کہ معذور افرادکو کورونا کی وباسے محفوظ بنانے کیلئے انکی ویکسی نیشن کو بھی یقینی بنایا جائے اور ا س کیلئے متعلقہ ادارے او راین جی اوز اپنا مثبت کردار ادا کریں۔
Categories
Urdu News

مظفر گڑھ،پٹرولنگ پولیس کے افسران اور اہلکاران کی ویکسینشن کےلئے علیحدہ کاونٹر قائم کر دیا گیا ہے،پولیس ترجمان

مظفر گڑھ(مظفرگڑھ ڈاٹ سٹی نیوز۔ 18 جون2021ء) ایڈیشنل آئی جی پنجاب ہائی وے پٹرولنگ پولیس کے حکم پر پٹرولنگ پولیس کے افسران اور اہلکاران کی ویکسینشن کےلئے علیحدہ  کاونٹر قائم کر دیا گیا  ہے۔
پولیس ترجمان کے مطابق ایڈیشنل آئی جی پنجاب ہائی وے پٹرولنگ پولیس لاہور محمد اکرم  نعیم کے حکم اور ایس پی پنجاب ہائی وے پٹرولنگ پولیس  ہما نصیب کی ہدایت پر ڈی ایس پی پٹرولنگ پولیس مظفرگڑھ حافظ غلام فرید خان کی زیر نگرانی ضلع  میں پٹرولنگ پولیس کے افسران و اہلکاران کی کورونا ویکسینیشن کےلئے یادگار کلب میں قائم  سینٹر پر علیحدہ کاونٹر بنا دیا گیا ہے۔

ڈی ایس پی پٹرولنگ پولیس غلام فرید کے مطابق علیحدہ کاونٹر بنانے کا مقصد افسران و اہلکاران  اور ان  کے خاندانوں کو کورونا جیسے موذی مرض سے محفوظ رکھنے کے ساتھ ساتھ ان کا وقت بچانا بھی ہے۔

Categories
Urdu News

مظفرگڑھ،دو شاگردوں سے مبینہ بدفعلی کرنے والا استاد گرفتار، مقدمہ درج

مظفر گڑھ (مظفرگڑھ ڈاٹ سٹی نیوز – 16 جون2021ء) مظفرگڑھ کے علاقے علی پور میں ٹیوشن پڑھنے کیلئے آنے والے دو بچوں سے مبینہ طور پر زیادتی کرنے اور ان کی ویڈیوز بنانے والے استاد کو پولیس نے گرفتار کرلیا۔پولیس کے مطابق ملزم کے خلاف مقدمہ درج کیا گیا اور اسے گرفتار بھی کرلیا گیا ، مزید تحقیقات شروع کر دی گئیں۔علی پور کے تھانے سیت پور میں دائر فرسٹ انفارمیشن رپورٹ (ایف آئی آر) کے مطابق موضع خنانی میں ٹیوشن سینٹر پرملزم محسن عباس پڑھنے کے لیے آنے والے بچوں سے بدفعلی کرتا رہا۔
ایف آئی آر کے مطابق ملزم نے بچوں سے زیادتی کی ویڈیوز بھی بنائیں اور ان کو آپس میں بدفعلی کے لیے مجبور کیا جبکہ ویڈیو وائرل کرنے کی دھمکی دی۔بعد ازاں بچوں کے والدین نے پولیس کو اس حوالے سے آگاہ کیا اور پولیس نے کارروائی کرتے ہوئے ٹیوشن سینٹر کے استاد کو گرفتار کر کے اس کا موبائل فون قبضے میں لے کر مقدمہ درج کر لیا۔پولیس ترجمان کا کہنا تھا کہ ملزم محسن عباس کے موبائل سے مختلف عمر کے بچوں کی لاتعداد پورن ویڈیوز برآمد ہوئی ہیں۔ان کا کہنا تھا کہ ملزم بچوں کو آپس میں بدفعلی کروا کر گزشتہ 6 ماہ سے ویڈیوز بناتا رہا ہے جبکہ ویڈیوز کے حوالے سے کسی غیر ملکی گروہ سے رابطے کے پہلو سے بھی تحقیقات جاری ہیں۔
Categories
Urdu News

مظفرگڑھ ، تعمیراتی کام کے سلسل میں بجلی کی فراہمی بندرہے گی

مظفرگڑھ  (مظفرگڑھ ڈاٹ سٹی نیوز – 15 جون2021ء) میپکوترجمان سرکل مظفرگڑھ کے مطابق132کے وی گرڈاسٹیشن کوٹ ادواور132کے وی گرڈاسٹیشن چوک مونڈااور132کے وی گرڈاسٹیشن چوک اعظم اور132کے وی گرڈاسٹیشن چوبارہ اور132کے وی گرڈاسٹیشن فتح پوراور132کے وی گرڈاسٹیشن لیہ اور132کے وی گرڈاسٹیشن کروڑ لعل عیسن اور66کے وی گرڈاسٹیشن کوٹ سلطان اور66کے وی گرڈاسٹیشن رنگ پوراور66کے وی گرڈاسٹیشن نواں کوٹ پر17جون کوباوقت صبح06.30سے صبح09.30بجے تک گرڈاسٹیشنوں کی ضروری مرمت،تنصیب آلات اور دیکھ بھال کی وجہ سے بجلی کی فراہمی بندرہے گی۔
ان گرڈاسٹیشنوں سے منسلک صارفین درج بالا اوقات میں کوئی دوسرا مناسب انتظام کر لیں۔
Categories
Urdu News

مظفرگڑھ،خاتون کو مبینہ بلیک میل کرنے والے نوجوان پرخاتون کے اہلخانہ کا تشدد

اسلام آباد(مظفرگڑھ ڈاٹ سٹی نیوز – 14 جون2021ء) خاتون سے مبینہ زیادتی اور بلیک میل کرنے والا نوجوان خاتون کے  اہلخانہ کے ہتھے چڑھ گیا،نوجوان کو باندھ کر بہیمانہ تشدد، پولیس کےمطابق مظفرگڑھ کے نواح میں تھانہ شاہجمال کی حدود میں مبینہ طور پر خاتون سے زیادتی کی وڈیو بنا کر خاتون کو بلیک میل کرنے والا نوجوان عثمان  متاثرہ خاتون کے اہلخانہ کے ہتھے چڑھ گیا تو انہوں  نے اپنی ہی عدالت لگاکر نوجوان کو کئی گھنٹے محبوس رکھ کر انسانیت سوز سلوک کیا اور رسیوں سے باندھ کر  بہیمانہ تشدد کا نشانہ بنایا ،متاثرہ خاتون کے اہلخانہ نے نوجوان عثمان پر تشدد کرنے کی وڈیو سوشل میڈیا پر بھی وائرل کر دی پولیس تھانہ شاہجمال نے تشدد کے مرتکب افراد کے خلاف مقدمہ درج کرکے قانونی کاروائی کا آغاز کر دیا ہے۔
Categories
Urdu News

مظفرگڑھ، دیہی مراکز صحت پر کورونا ویکسینیشن سنٹر قائم

مظفر گڑھ (مظفرگڑھ ڈاٹ سٹی نیوز – 10 جون2021ء) حکومت پنجاب کی ہدایت پر عوام کو سہولت پہچانے اور کورونا وائرس کا مقابلہ کرنے کیلئے ڈپٹی کمشنر امجد شعیب ترین اور سی ای او ہیلتھ ڈاکٹر مہر محمد اقبال نے ضلع مظفرگڑھ کے تمام دیہی مراکز صحت پر کورونا ویکسینیشن سنٹر قائم کر دیئے ہیں جہاں ویکسینیشن شروع ہو چکی ہے ۔
ترجمان محکمہ صحت عدنان لغاری کے مطابق ڈپٹی کمشنر اور سی ای او ہیلتھ نے عوام سے کورونا وائرس کے خاتمے کیلئے حکومت سے تعاون اور ویکسین لگوانے کی اپیل کی ہے۔