Categories
News Urdu News

مظفر گڑھ ، پولیس نے لوگوں سے پیسے لیکر مخالفین پر اغواء اور زیادتی کے جھوٹے مقدمے کر نے والی خاتون گرفتار کرلی

مظفر گڑھ (مظفرگڑھ ڈاٹ سٹی ۔ 17 جنوری2021ء) پنجاب پولیس نے لوگوں سے پیسے لے کر ان کے مخالفین پر اغواء اور زیادتی کے جھوٹے مقدمے کرنے والی خاتون کا گرفتار کرلیا۔
ضلع مظفر گڑھ پولیس ترجمان کے مطابق جھوٹے مقدمات درج کرانے والی خاتون رقم کے عوض لوگوں کے مخالفین کے خلاف مدعی بنتی تھی، خاتون اب تک اغواء اور زیادتی کے 7 مقدمات درج کراچکی ہے جن کے جھوٹے ہونے کے تمام شواہد حاصل کرلیے گئے ہیں۔

پولیس کے مطابق متعلقہ خاتون کے خلاف تمام ثبوت عدالت میں پیش کیے جائیں گے اور عدالتی حکم پر خاتون کے خلاف مزید کارروائی کی جائے گی۔ڈی پی او احسن اقبال کے مطابق ناجائز اور جھوٹے مقدمات کرانے والوں کو بھی بے نقاب کیا جائے گا جبکہ خاتون کے خلاف تھانا صدر میں قانونی کارروائی شروع کردی گئی۔

Categories
News Urdu News

مظفرگڑھ،15 سالہ لڑکی سے مبینہ زیادتی، مقدمہ درج، رپورٹ طلب کرلی

مظفر گڑھ (مظفرگڑھ ڈاٹ سٹی ۔ 17 جنوری2021ء) مظفر گڑھ کے علاقے موضع دین پور میں 15 سال کی لڑکی سے مبینہ زیادتی کا مقدمہ درج کرلیا گیا،لڑکی سے مبینہ زیادتی کے مرتکب ملزمان اب تک گرفتار نہ کئے جاسکے۔
آئی جی پنجاب نے واقعے کا نوٹس لیتے ہوئے رپورٹ طلب کرلی، ملزمان کے خلاف فوری کارروائی کاحکم دیدیا۔

Categories
News Urdu News

مظفر گڑھ: شادی کا تنازع:دو کم سن لڑکیوں کو آگ لگادی گئی گھر کے دیگر افراد بھی متاثر

مظفر گڑھ (مظفرگڑھ ڈاٹ سٹی ۔ 08 جنوری2021ء) مظفر گڑھ کے علاقے لیشاری والا میں شادی کے تنازع پر دو کم سن لڑکیوں کو آگ لگا دی گئی جس سے گھر کے دیگر افراد بھی متاثر ہوگئے۔ حافظ عبدالحمید اور ان کے اہل خانہ سو رہے تھے کہ اس دوران فدا حسین اپنے ساتھیوں کے ہمراہ ان کے گھر میں داخل ہوئے اور میاں بیوی کو یرغمال بنا کر ان کے چار بچوں کو آگ لگادی۔
ملزمان کی لگائی گئی آگ سے دو سالہ بچی عروا اور اسوہ جھلس کر موقع پر ہی دم توڑ گئیں جبکہ دیگر دو بچوں کو زخمی حالت میں ڈی ایچ کیو منتقل کردیا گیا۔حافظ عبدالحمید اور ان کی اہلیہ نے جب پڑوسیوں کو مدد کے لیے پکارا تو ملزمان نے انہیں تشدد کا نشانہ بنایا۔ حافظ عبدالحمید نے چند ماہ قبل فدا حسین کی بیٹی سے دوسری شادی کی تھی لیکن گزشتہ ہفتے پنچایت کے فیصلے کے بعد انہوں نے فدا حسین کی بیٹی کو طلاق دے دی تھی۔
پولیس نے فدا حسین اور دیگر تین ملزمان کے خلاف تعزیرات پاکستان (پی پی سی) کی دفعات 302، 148، 149، 324 اور انسداد دہشت گردی ایکٹ (سیون اے ٹی ای) کے تحت مقدمہ درج کر لیا۔پولیس نے مرکزی ملزم اور دیگر دو افراد کو گرفتار بھی کر لیا۔ڈسٹرکٹ پولیس افسر نے دعوی کیا کہ دو ملزمان کو چوک کرم داد قریشی کے علاقے سے گرفتار کیا اور ان کے قبضے سے 56 کلو چرس برآمد کرلی ہے۔یاد رہے کہ ستمبر 2020 میں صوبہ سندھ کے ضلع دادو کے گاں سوبدار واہ میں بھی شادی کے تنازع پر دو نامعلوم افراد نے کم عمر لڑکیوں پر ان کے گھر میں فائرنگ کردی تھی جس کے نتیجے میں ایک موقع پر ہی دم توڑ گئی تھی جبکہ دوسری شدید زخمی ہوگئی تھیں۔

Categories
News Urdu News

مظفر گڑھ،2 بچیوں کو پٹرول چھڑک کر جلا دیا گیا

مظفر گڑھ (مظفرگڑھ ڈاٹ سٹی ۔ 07 جنوری2021ء) پنجاب کے ضلع مظفر گڑھ میں گھریلو رنجش میں مبینہ طور پر 2 بچیوں کو پٹرول چھڑک کر جلا دیا گیا، دونوں بچیاں جاں بحق ہو گئیں۔مظفر گڑھ پولیس نے مقدمہ درج کر کے 2 افراد کو گرفتار کر کے تحقیقات شروع کر دی ہیں۔
مظفر گڑھ کے علاقے چوک قریشی میں 5 افراد نے 2 بچیوں پر مبینہ طور پر پٹرول چھڑک کر آگ لگا دی جس کے نتیجے میں ڈیڑھ سالہ اسوہ اور 3 سالہ عروہ جھلس کر جاں بحق ہو گئیں۔

بچیوں کی لاشیں ڈی ایچ کیو ہسپتال منتقل کر دی گئی ہیں، بچیوں کے والد عبدالحمید کے مطابق اس کی دوسری بیوی روٹھ کر میکے چلی گئی تھی۔بیٹی کے روٹھ کر میکے آنے کی رنجش میں سسر اور اس کے رشتے داروں نے پہلی بیوی کی بچیوں کو آگ لگائی ہے۔پولیس ترجمان وسیم خان کے مطابق سسر سمیت 2 افراد کو گرفتار کر کے تحقیقات شروع کر دی گئی ہیں۔

Categories
News Urdu News

دوسری شادی کا بھیانک انجام، سسر نے داماد کے گھر کو آگ لگا دی، 2 بچیاں جاں بحق

گھر میں آگ لگنے کے واقعہ کو پہلے آتشزدگی کا رنگ دیا گیا، تحقیقات میں حقیقت کُھل کر سامنے آئی

مظفر گڑھ (مظفرگڑھ ڈاٹ سٹی ۔ 07 جنوری 2021ء) : مظفر گڑھ میں دوسری شادی کرنے پر سسر نے اپنے داماد کے گھر کو آگ لگا دی جس کے نتیجے میں دو بچیاں جاں بحق ہو گئیں۔ تفصیلات کے مطابق مظفر گڑھ کے علاقہ قریشی چوک میں ایک گھر میں لگی آگ کو ابتدائی طور پر آتشزدگی کا رنگ دیا گیا۔ لیکن جب پولیس نے واقعہ کی تحقیقات کیں تو انکشاف ہوا کہ گھر کو آگ جان بوجھ کر لگائی گئی تھی۔
پولیس کا کہنا ہے کہ سسرنے دوسری شادی کرنے پر داماد کےگھر کو مبینہ طور پر آگ لگائی۔ جس کے نتیجے میں دو بچیاں جھلس کر جاں بحق ہوگئیں۔ واقعہ کے بعد پولیس حرکت میں آئی اور گھناؤنے فعل میں ملوث مرکزی ملزم سمیت تین افراد کو گرفتار کرلیا ہے۔ پولیس کا کہنا ہے کہ واقعہ میں گرفتار افراد کے خلاف قانون کے مطابق کارروائی ہو گی۔
ملزمان سے تفتیش کی جائے گی جس میں مزید تفصیلات سامنے آنے کا امکان ہے۔

واضح رہے کہ گھریلو جھگڑوں میں قتل و غارت اور جرائم کی شرح میں دن بدن اضافہ ہوتا چلا جا رہا ہے۔ گذشتہ روز راولپنڈی میں تھانہ نصیرآباد کے علاقے میں شوہرنے بیٹا نہ ہونے پربیوی اورکمسن بیٹی کوتشدد کرکے قتل کردیا۔ پولیس نے بتایا کہ گھرسے 32 سالہ حنا اشفاق اورڈیڑھ سالہ بیٹی عنائیہ کی تشدد زدہ لاشیں برآمد کی گئیں جس کے بعد گھرکے سربراہ کو تحویل میں لے لیا گیا ہے۔
مقتولہ کے والد اورمعصوم بچی کے نانا محمد اشفاق نے بھی پولیس کو بیان دیا ۔ مقتولہ کے والد نے کہا کہ داماد بیٹا نہ ہونے پربیٹی پرتشدد کرتا تھا، داماد کی ماں بہنیں کہتی تھیں کہ اس کے والد سے کہوکہ مکان بنا کردے۔ انہوں نے مزید کہا کہ میں مالی طود پر کمزورہوں، دوماہ قبل بیٹی کے مانگنے پر دو لاکھ روپے بھی بجھوائے تھے۔ لیکن اس کے باوجود اس سفاک شخص کو چین نہ آیا اور اس نے میری بیٹی اور نواسی کو موت کے گھاٹ اُتار دیا ۔جس کے بعد پولیس نے مقتولہ کے والد کے بیان پر سفاک شخص کے خلاف قتل کا مقدمہ بھی درج کرلیا تھا۔

Categories
News Urdu News

ٹریفک حادثے میں خاتون سمیت دو افراد زخمی

مظفرگڑھ (مظفرگڑھ ڈاٹ سٹی ۔ 02 جنوری2021ء) مظفرگڑھ کے نواحی علاقے چوک سرور شہید میں ٹریفک حادثہ، دو موٹر سائیکل، رکشہ اور ایک ٹرک میں تصادم کے نتیجے میں ایک مرد اور ایک خاتون زخمی ہو گئے۔
حادثہ ملتان روڈ پر زرعی ترقیاتی بینک کے قریب پیش آیا ۔ زخمیوں لیاقت اور زرینہ مائی کو نزدیکی ہسپتال منتقل کر دیا گیا ۔ حادثہ سڑک پر بنے یوٹرن کی وجہ سے پیش آیا۔

Categories
News Urdu News

جمشید دستی نے 2021ء میں شادی کا اعلان کر دیا

مہنگائی کے پیش نظر بارات گدھوں پر جائے گی اور ولیمہ کی تقریب میں دال سے مہمانوں کی تواضع کی جائے گی۔ جمشید دستی

مظفرگڑھ(مظفرگڑھ ڈاٹ سٹی ۔ 02 جنوری 2021ء) : سابق رکن اسمبلی سیاسی رہنما جمشید دستی نے 2021ء میں شادی کا اعلان کر دیا۔ تفصیلات کے مطابق جمشید دستی نے مارچ 2021ء میں شادی کا اعلان کرتے ہوئے کہا کہ ایسی گھریلو خاتون ہو جو بچوں کی اچھی تربیت کرسکے۔ انہوں نے کہا کہ کہا کہ مہنگائی کے پیش نظر بارات گدھا گاڑی پر جائے گی جبکہ ولیمے میں آنے والے مہمانوں کی تواضع دال سے کروں گا۔
انہوں نے کہا کہ میں نے اپنے دوست احباب سے ایک سادہ لڑکی ڈھونڈنے کا مطالبہ کیا ہے جو میرے بچوں کی اچھی تربیت کر سکے۔ انہوں نے کہا کہ اگر میرے دوست احباب میرے لیے ایک ایسی لڑکی ڈھونڈنے میں ناکام رہے تو مجھے اپنی شادی کے لیے سوشل میڈیا پر اشتہار دینا پڑے گا۔ انہوں نے مزید کہا کہ اگر اشیائے خوردو نوش کی قیمتوں میں اسی تناسب سے اضافہ ہوتا رہا تو میں اپنے ولیمے کی تقریب میں مہمانوں کو دال بھی نہیں کھلا سکوں گا۔

Categories
News Urdu News

جمشید دستی کا2021میں شادی کااعلان

مظفر گڑھ (مظفرگڑھ ڈاٹ سٹی ۔ 02 جنوری2021ء) سابق رکن اسمبلی ،سیاسی رہنما جمشید دستی نے شادی کیلئے لڑکی ڈھونڈنا شروع کردی۔
جمشید دستی نے مارچ2021ء میں شادی کااعلان کرتے ہوئے کہاکہ ایسی گھریلو خاتون ہو جو بچوں کی اچھی تربیت کرسکے۔انہوںنے کہاکہ کہا کہ ولیمے میں آنے والے مہمانوں کی تواضع دال سے کروں گا۔

Categories
News Urdu News

مہر ارشاد سیال نے اپنا استعفیٰ چیئرمین پی پی پی بلاول بھٹوزرداری کو بھیج دیا

مظفر گڑھ (مظفرگڑھ ڈاٹ سٹی ۔ 26 دسمبر2020ء) مظفر گڑھ سے پاکستان پیپلز پارٹی کے رکنِ قومی اسمبلی (ایم این اے) مہر ارشاد سیال نے اپنا استعفیٰ چیئرمین پی پی پی بلاول بھٹوزرداری کو بھیج دیا ہے۔
مہر ارشاد سیال کا اپنے استعفے کے حوالے سے کہنا ہے کہ جمہوری جدوجہد آگے بڑھانے کے لیے اپنا استعفیٰ پیش کرتا ہوں۔

Categories
News Urdu News

فلائی اوور کے قریب تیز رفتار ٹریکٹر ٹرالی اور مزدہ کے درمیان تصادم، دو افراد جاں بحق ایک شدید زخمی

مظفرگڑھ (مظفرگڑھ ڈاٹ سٹی ۔ 25 دسمبر2020ء) مظفرگڑہ ملتان روڈ پر محمود مل فلائی اوور کے قریب تیز رفتار ٹریکٹر ٹرالی اور مزدہ کے درمیان خوفناک تصادم۔ حادثے میں دو افراد موقع پر جاں بحق جبکہ ایک شخص شدید زخمی۔
ریسکیو ذرائع کے مطابق حادثہ ٹریکٹر ٹرالی کی رونگ سائیڈ سے فلائی اوور پر جانے سے پیش آیا ٹریکٹر ٹرالی پر گھاس لوڈ تھا جو مظفرگڑھ سے ملتان جبکہ مزدہ ملتان سے مظفرگڑھ آ رہا تھا حادثے کے فوراً بعد مزدہ کا ڈرائیور موقع سے فرار ہو گیا حادثے کی اطلاع ملنے پر ریسکیو 1122 مظفرگڑھ کی ایمبولینس نے جائے حادثہ پر پہنچ کر ریسکیو آپریشن جاری کرتے ہوئے زخمی ہونے والے شخص کو موقع پر ابتدائی طبی امداد فراہم کرنے کے بعد ڈسٹرکٹ ہیڈ کوارٹر ہسپتال مظفرگڑھ منتقل کر دیا ہے جبکہ حادثے میں جاں بحق ہونے والے دونوں افراد کی نعشوں کو ڈیڈ باڈی شیٹ سے کور کرتے ہوئے لواحقین کے گھر منتقل کر دیا ہے۔