مظفرگڑھ (مظفرگڑھ ڈاٹ سٹی۔ 23 دسمبر2022ء) ایم پی اے اشرف خان رند نے 60 کروڑ روپے کی لاگت سے سندیلہ چوک سے تونسہ بیراج تک 9 کلو میٹر روڈ کا افتتاح کردیا ۔دائرہ دین پناہ کی عوام کا دیرینہ مطالبہ پورا ہو گیا ہے، سندیلہ چوک سے تونسہ بیراج تک سڑک کافی عرصہ سے ٹوٹ پھوٹ کا شکار ہو چکی تھی جس کی وجہ سے اس سڑک پر سفر کرنے والوں کا بہت وقت ضائع ہوتا اور انہیں پریشانی کا سامنا کرنا پڑتا تھا۔
ایم پی اے اشرف خان رند نے گزشتہ برس اس سڑک کا سنگ بنیاد رکھا تھا جس کا اب مکمل ہونے کے بعد ایم پی اے اشرف خان رند نے افتتاح کر دیا ہے۔9 کلومیٹر طویل یہ سڑک 60 کروڑ روپے کی لاگت سے مکمل ہوئی ہے،اس کے مکمل ہونے سے دائرہ دین پناہ کی عوام کا دیرینہ مطالبہ پورا ہو گیا ہے۔نصیر،ارشد،اشرف،خورشید، شاہد اور متعدد دیگر شہریوں نے سڑک کی تعمیر مکمل ہونے پر خوشی کا اظہار کرتے ہوئے کہا ہے کہ اب تونسہ اور ملتان کا سفر گھنٹوں کی بجائے منٹوں میں طے ہو گا۔