مظفرگڑھ(مظفرگڑھ ڈاٹ سٹی۔ 23 دسمبر2022ء) ایم پی اے اشرف خان رند نے ضلع کوٹ ادو کے علاقے طارق چوک کی بستی سرائی میں میر چاکر اعظم گرلز ڈگری کالج کا سنگ بنیاد رکھ دیا ۔
اس موقع پر انہوں نے میڈیا سے گفتگو کرتے ہوئے کہا کہ تعلیم سب کےلئے ضروری ہے لیکن لڑکیوں کےلئے سب سے زیادہ ضروری ہے کیونکہ کہا جاتا ہے کہ ماں کی گود بچے کی پہلی یونیورسٹی ہوتی ہے، علاقے میں پرائمری، مڈل اسکول اور ہائی اسکول تو موجود تھے لیکن اعلیٰ تعلیم کے حصول کےلئے کوئی ادارہ موجود نہیں تھا، علاقے کے لوگ غربت اور اپنی روایات کی وجہ سے بچیوں کو دور دراز کے علاقوں میں تعلیم حاصل کرنے کےلئے بھیجنے کے حق میں نہیں تھے جس کی وجہ سے علاقے کی باصلاحیت لڑکیاں اعلی تعلیم کے حصول سے محروم تھیں اور ان کا ٹیلنٹ ضائع ہو رہا تھا،اب ان کے اپنے علاقے میں ان کی دہلیز پر ڈگری کالج کی تعمیر سے دیہات کی لڑکیاں بھی اعلی ٰتعلیم حاصل کر کے ملک کی مفید شہری بن سکیں گی،ان کے خواب پورے ہوں گے اور وہ دنیا میں اپنی پہچان بنا سکیں گی۔