ڈسٹرکٹ آفیسر کی ہدایت پر غیر قانونی منی پٹرول پمپوں کے خلاف آپریشن،متعدد کے خلاف مقدمات درج
مظفرگڑھ۔ (مظفر گڑھ ڈاٹ سٹی۔ 09 مئی2020ء) ڈسٹرکٹ آفیسر سپیشل برانچ مظفرگڑھ کی ہدایت پر غیر قانونی منی پٹرول پمپوں کے خلاف آپریشن ،متعدد کے خلاف مقدمات درج ،ایجنسیاں سیل، آپریشن دور دراز کے علاقوں تک وسیع کرنے کا اعلان۔تفصیل کے مطابق ڈسٹرکٹ آفیسر سپیشل برانچ مظفر گڑھ کی ہدایت پر انٹیلی جنس آفیسر فہد منیر، انٹیلی جنس آفیسر محمد مبشر، انٹیلی جنس آفیسر محمد جنید نے سول ڈیفنس آفیسر مظفرگڑھ کے ہمراہ قصبہ مہرپور، شاہ جمال ، دانی اڈا اور گد پور میں غیر قانونی آئل ایجنسیوں کے خلاف کارروائی کی اورغیر قانونی منی پٹرول پمپوں کا سامان قبضہ میں لے کر دکانین سیل کرکے مالکان غلام عباس، مزمل پتافی رانا عبداللہ ،محمد آصف ،محمد واجد اور محمد اجمل کے خلاف تھانہ شاہ جمال میں ایف آئی آرز درج ڈسٹرکٹ آفیسر سپیشل برانچ نے سول ڈیفینس حکام کو کارروائیوں کا دائرہ دور دراز علاقوں تک بڑھانے کے احکامات بھی جاری کر دیے ہیں جبکہ اس موقع پر سول ڈیفنس آفیسر کا کہنا تھا کہ یہ غیر قانونی منی پٹرول پمپس علاقوں میں کسی بڑے سانحہ کا سبب بن سکتے ہیں اور مالکان ازخود یہ غیر قانونی کاروبار بند کردیں بصورت سخت ایکشن ہوگا۔