مظفرگڑھ (مظفرگڑھ ڈاٹ سٹی۔ 20 جنوری2020ء) نواحی بستی شیخ والا موضع امن پور میں ایک غریب مزدورغلام عباس موچی کے تین بیٹے پراسرار بیماری میں مبتلا ہیں۔اس نے بتایا کہ بیٹے جیسے ہی دس سال کی عمر سے اوپر ہوتے ہیں تو وہ ایک عجیب وغریب بیمار ی میں مبتلا ہو جاتے ہیں ان کا نیچے والا دھڑ مفلوج ہو جاتا ہے۔ غلام عباس نہایت ہی غریب شخص ہے جو ملتان میں پلے داری کرتا ہے۔ اس کا کہنا تھا کہ میں نے اپنا سب کچھ بیچ کر اپنے بچوں کے علاج پر لگا دیا ہے، اب نوبت فاقوں تک پہنچ گئی ہے۔ اس نے حکومت وقت اور مخیر حضرات سے دردمندانہ اپیل کی ہے کہ اس کے بچوں کا علاج کروایا جائے۔