مظفرگڑھ(مظفرگڑھ ڈاٹ سٹی ۔ 15 جنوری 2022ء) :ایڈیشنل ڈسٹرکٹ اینڈ سیشن جج طارق محمود رانا کا ڈسٹرکٹ جیل مظفرگڑھ کا دورہ ۔ اس موقع پر سول جج میاں محمد نعیم سرور سپرٹینڈنٹ جیل عامر عمر قریشی، ڈپٹی سپریٹنڈنٹ جیل راٶ ندیم اقبال اور دیگر افسران بھی موقع پر موجود تھے۔
ایڈیشنل ڈسٹرکٹ اینڈ سیشن جج نے جیل میں اسیران کی کچن کا معائنہ کیا۔
قیدیوں کی خوراک کا معیار چیک کیا ،تمام بیرکوں نو عمر وارڈ اور جیل ہسپتال کا معائنہ کیا۔ایڈیشنل ڈسٹرکٹ اینڈ سیشن جج نے معمولی نوعیت کے جراٸم میں ملوث 29 قیدیوں کو ذاتی مچلکہ پر رہاٸی کا حکم دیا۔انسپیکشن کے دوران جیل انتظامیہ کی طرف سے سیکیورٹی کے خاطر خواہ انتظامات کیے گئے تھے۔ مزید برآں ایڈیشنل ڈسٹرکٹ اینڈ سیشن جج نے جیل ہذا میں کرونا وائرس کے حوالے سے کئے گئے انتظامات کا تفصیلی جائزہ لیا اور جیل انتظامیہ کی طرف سے کئے گئے انتظامات پر اطمینان کا اظہار کیا۔