مظفرگڑھ (مظفرگڑھ ڈاٹ سٹی۔ 03 مارچ2023ء) ایڈیشنل ڈائریکٹر لائیوسٹاک مظفرگڑھ نے قصاب کی دوکان پر چھاپہ مار کر5 من مضرصحت گوشت تلف کردیا۔ایڈیشنل ڈائریکٹر لائیوسٹاک و پرائس کنٹرول میجسٹریٹ ڈاکٹر محمد طارق نے سپیشل برانچ کے ہمراہ مین بازار کا دورہ کیا۔
انہوں نے جھنگ روڈ پر فضل ملز کے گیٹ کے سامنے محمد عثمان قصاب اور مملہ چوک میں محمد عمران قصاب کی دوکانوں پر چھاپہ مار کر 5 من مضر صحت گوشت کو موقع پر تلف کر دیااور قصابوں کو بھاری جرمانہ کیا۔
ایڈیشنل ڈائریکٹر لائیوسٹاک ضلع مظفرگڑھ ڈاکٹر محمد طارق نے قصابوں کو متنبہ کیا کہ مضر صحت گوشت اور اوور چارجنگ والے قصاب کو جیل بھیجاجائے گا۔ انہوں نے قصابوں کو ہدایت کی کہ صحت مندجانور ذبح کریں اور سلاٹر ہاؤس سے منطور ی کی مہر لگوائیں اور ریٹ لسٹ کو ہر قصاب اپنی دوکان میں نمایاں جگہ پر آویزاں کرے۔