مظفرگڑھ (مظفرگڑھ ڈاٹ سٹی۔ 03 مارچ2023ء) ڈپٹی کمشنرمظفرگڑھ آغا ظہیر عباس شیرازی کا دارالامان کا دورہ۔ڈپٹی کمشنر آغا ظہیر عباس شیرازی نے ڈائریکٹر سوشل ویلفیئر ڈاکٹر ناصر ملک کے ہمراہ دارالامان مظفرگڑھ کا دورہ کیا۔انہوں نے دارلامان میں صفائی ستھرائی کے انتظامات اور طبی سہولیات کا جائزہ لیا۔
انہوں نے پناہ گاہ میں مقیم خواتین کی بنیادی ضروریات کے بارے میں دریافت کیااور دارالامان میں مقیم خواتین اور بچوں کو علاج معالجے کی ضروری سہولیات کی فراہمی کو یقینی بنانے کی ہدایت کی۔
انہوں نے کہا کہ خواتین کیلئے پریشانی کا باعث بننے والے مسائل کو فوری طور پر حل کیا جائے۔ڈپٹی کمشنر نے دارالامان کی انتظامیہ کو دارالامان میں مقیم بچوں کےلئے کھیل کود کے انتظامات کرنے کی ہدایت کرتے ہوئے کہا کہ ان کو تفریحی سرگرمیوں میں شامل کیا جائے۔