آٹے کو مستحق لوگوں تک پہنچانے کیلئے تمام وسائل بروئے کار لائے جائیں،ڈپٹی کمشنر کی پرائس کنٹرول مجسٹریٹس کو ہدایت

انہوں نے کہا کہ پرائس کنٹرول مجسٹریٹس احساس راشن پروگرام کے تحت رجسٹرڈ کریانہ سٹورز کو باقاعدگی سے چیک کریں اور جو کریانہ سٹورز آٹے کی دستیابی کو یقینی نہیں بنا رہے انہیں آٹے کی فراہمی روکی جائے۔

ڈسٹرکٹ فوڈ کنٹرولر عدیل احمد نے ضلع بھر میں آٹے کی سپلائی کے حوالے سے بریفنگ دی اور بتایا کہ ضلع بھر میں گندم اور آٹے کی وافر سٹاک موجود ہے، ضلع مظفرگڑھ میں عوام کی سہولت کے لیے 151 سیل پوائنٹس بنائے گئے ہیں جہاں عوام سرکاری نرخ پر آٹا خرید سکتے ہیں۔انہوں نے بتایا کہ آٹے کی کوئی قلت نہیں ہے، آٹا کی سپلائی کو بھی مانیٹرنگ کیا جارہا ہے۔

اجلاس میں بتایا گیا کہ رواں ماہ کے دوران ضلع مظفرگڑھ کے 27 پرائس کنٹرول مجسٹریٹس نے 5863 دکانوں کو چیک کیا،خلاف ورزی کرنے پر 269 دکانوں کو 11 لاکھ 93 ہزار روپے جرمانہ کیا گیا،18 ایف آئی آرز کا اندراج کیا گیا۔8 دکانوں کو سیل کیا گیا،جبکہ 9 دکانداروں کو گرفتار کیا گیا۔ ڈپٹی کمشنر کیپٹن ر سمیع اللہ فاروق نے کہا کہ کھاد کی سرکاری قیمتوں پر دستیابی کو یقینی بنایا جائے۔ڈپٹی ڈائریکٹر زراعت نے بتایا کہ کھاد کی سپلائی نارمل ہے اور کھاد کی سپلائی میں کوئی مسئلہ درپیش نہیں۔