کوٹ ادو کے نواحی علاقے میں پسند کی شادی پر بھائی نے بہن کو قتل کر دیا

مظفرگڑھ (مظفرگڑھ ڈاٹ سٹی۔ 17 جنوری2023ء) کوٹ ادو کے نواحی علاقے میں پسند کی شادی کرنے پر بھائی نے بہن کو قتل کر دیا ۔

پولیس ذرائع کے مطابق کوٹ ادو کے نواحی علاقے دائرہ دین پناہ میں رافعہ بی بی نے 2 ماہ قبل مظفر اقبال نامی لڑکے سے پسند کی شادی کر لی تھی،اس کے بھائی فہیم کو بہن کی پسند کی شادی پر غصہ تھا،اس نے اپنے کزنز نعیم اور سمیع اللہ کے ساتھ سازباز کر کے بہن کو راضی نامہ کے بہانے گھر بلا کر گولیاں مار کر قتل کر دیا ہے،پولیس تھانہ دائرہ دین پناہ نے فوری طور پر کاروائی کرتے ہوئے تینوں ملزمان کو گرفتار کر کے مقتولہ کی ڈیڈ باڈی کو پوسٹمارٹم کےلئے آر ایچ سی ہسپتال دائرہ دین پناہ منتقل کر دیا ہے۔