کورونا وائرس بارے حکومتی اقدامات کی پوری قوم تعریف کر رہی ہے،میاں عمران دھنوتر

مظفرگڑھ (مظفر گڑھ ڈاٹ سٹی۔ 09 مئی2020ء) تحریک انصاف ضلع مظفرگڑھ کے سینئرنائب صدر میاں عمران دھنوتر نے کہا ہے کہ مہنگائی کے جن کو وزیراعظم پاکستان عمران خان کی بہتر حکمت عملی کی وجہ سے کنٹرول کر لیا جائے گا۔ان خیالات کا اظہار انہوں نے صحافیوں سے گفتگو کرتے ہوئے کیا۔انہوں نے کہا کہ کورونا وائرس پر قابو پانے کے لیئے حکومتی اقدامات کی پوری قوم تعریف کر رہی ہے کرؤنا وائرس سے متعلق عوام کو آگاہی دینا ہمارا فرض بنتا ہے جو ادا کر رہے ہیں یونیورسٹی،کالج،سکولوں کے اساتذہ کرام،دینی مدرسوں کے اساتذہ سے درخواست کرتا ہوں کہ پاکستان میں امن کی فضاء کو قائم کرنے کے لیئے اپنا بھرپور کردار ادا کریں اس میں ملکی بقاء مضمر ہے۔انہوں نے کہا کہ مہنگائی کے جن کو وزیر اعظم پاکستان عمران خان کی بہتر حکمت عملی کی وجہ سے کنٹرول کر لیا جائے گا رب کائنات کے خصوصی کرم سے پیٹرولیم مصنوعات کی قیمتوں میں ریکارڈ کمی کی وجہ سے ڈیزل اور پیٹرول کی قیمتوں میں خاطر خواہ کمی آئے گی جس سے مہنگائی کے جن کو قابو کرنابہت آسان ہو گیا ہے ۔اس موقع پرمیڈیا کوآرڈینیٹر جنوبی پنجاب مرزا مدثر بیگ ایڈیشنل جنرل سیکرٹری سردار فرحان منظور اور ضلعی سیکرٹری اطلاعات ونشریات معظم علی قریشی بھی موجودتھے۔