سینئر میڈیکل آفیسر پر ماتحت عملے کا مبیینہ تشدد، مقدمہ درج

مظفرگڑھ (مظفر گڑھ ڈاٹ سٹی۔ 09 مئی2020ء) سینئر میڈیکل آفیسر پر ماتحت عملے کا مبیینہ تشدد، مقدمہ درج۔ تفصیل کے مطابق مظفرگڑھ کے مضافاتی قصبہ مرادآباد کے رورل ہیلتھ سینٹر پر تعینات سینئر میڈیکل آفیسر ڈاکٹر سید جمشید حسین بخاری پر سینئر کلرک مہر منیر حسین نے ساتھیوں سمیت مبینہ طور پر تشدد کیا،ڈاکٹر جمشید حسین بخاری کی رپورٹ پر پولیس تھانہ صدر مظفرگڑھ نے سینئر کلرک منیر حسین کے خلاف مقدمہ درج کر لیا ہے۔سی ای او ہیلتھ مظفرگڑھ نے ڈاکٹر جمشید حسین بخاری پر تشدد کا نوٹس لیتے ہوئے کلرک منیر حسین کو رورل ہیلتھ سینٹر مرادآباد سے فوری طور پر تبدیل کرکے ڈسٹرکٹ ہیلتھ آفس میں رپورٹ کرنے کا حکم دیا ہے، پاکستان میڈیکل ایسوسی ایشن مظفرگڑھ کے عہدیداران نے ڈاکٹر جمشید حسین بخاری پر تشدد کی سخت مزمت کرتے ہوئے سینئر کلرک منیر حسین کے خلاف پیڈا ایکٹ کے تحت کاروائی کا مطالبہ کیا ہے۔ دوسری جانب ایپکا مظفرگڑھ نے سینئر کلرک منیر حسین کے خلاف مقدمے کو جھوٹا قرار دیتے ہوئے اس کی مذمت کی ہے اور فوری طور پر پرچہ خارج کرنے کا مطالبہ کیا ہے۔