مظفرگڑھ ۔28دسمبر(مظفر گڑھ ڈاٹ سٹی۔ 28 دسمبر2016ء)مسلم لیگی رہنماء حامد خان کی جانب سے دیئے گئے چینی انجینئر کے اعزازمیں ظہرانہ سے خطاب کرتے ہوئے رکن پنجاب اسمبلی حاجی احسان الدین قریشی نے کہا کہ پاک چین دوستی کامنہ بولتا ثبوت پاک چائنہ کوریڈور ہے جس سے ہم ایشین ٹائیگربننے جارہے ہیں یہ راہداری منصوبہ ہماری آنے والی نسلوں کو بہترین مستقبل دے گا، کوشش کی جائے گی کہ جنوبی پنجاب کے زیادہ سے زیادہ حصہ سے اس کا راستہ بنایاجائے تاکہ یہاں کی محرومیوں کو دور کرنے میں مددمل سکے اورہم اس خطہ کی نسل کامستقبل تابناک بناسکیں وزیراعظم اوروزیراعلیٰ پنجاب خطہ سے محرومیوں کوختم کرنے کا عزم کئے ہوئے ہیں ، ہماری حکومت نے ترقی کارخ جنوبی پنجاب کی جانب کیاہواہے یہی وجہ ہے کہ ملتان میں میٹروبس کابڑامنصوبہ دیاگیا جوعنقریب مکمل ہونے جارہاہے جس سے یہاں کی عوام کو سستی سفری سہولت میسر آسکے گی ۔ظہرانہ میں چینی انجینئر نے بھی شرکت کی اور پاکستان کو اپنادوسراگھرقراردیاپاک چین دوستی کے ٹو اورہمالیہ بلندی سے بلند ہے جس کی مثالیں لوگ دیتے ہیںرکن پنجاب اسمبلی نے چینی انجینئرز کے ساتھ ایک ہی پلیٹ میں کھاناکھایا۔