مظفرگڑھ(مظفرگڑھ ڈاٹ سٹی۔ 21 جنوری2023ء) ڈی پی او نے تھانہ جتوئی کے علاقے میں پرانی دشمنی پر دوہرے قتل کی واردات کا نوٹس لے لیا۔پولیس ذرائع کے مطابق کشمور کے رہائشی حاجی خمیسہ،نور حسن اور ان کے بھتیجے رانو نے پرانی دشمنی کے خوف سے جان بچانے کےلئے ایک ماہ قبل اپنا علاقہ کشمور چھوڑ کر مظفرگڑھ کی تحصیل جتوئی میں رہائش اختیار کر لی تھی اور مزدوری کر کے گزر اوقات کر رہے تھے۔
گذشتہ شب وہ جتوئی کے قریب ظفر نامی اپنے کسی تعلق دار سے ملنے کےلئے جا رہے تھے کہ موٹرسائیکل سوار 2 مسلح افراد نے ان پر اندھادھند فائرنگ کر دی جس کے نتیجے میں حاجی خمیسہ اور نور حسن موقع پر جاں بحق ہو گئے جبکہ ان کے بھتیجے رانو نے چھپ کر جان بچائی۔اطلاع ملنے پر ڈی پی او مظفرگڑھ احمد نواز شاہ پولیس کی بھاری نفری کے ہمراہ جائے وقوعہ پر پہنچ گئے،اور علاقے کی ناکہ بندی کرا دی