ڈپٹی کمشنر مظفرگڑھ کے حکم پر غیرقانونی عمارتوں کے خلاف کارروائی کا آغاز

اس حوالے سے میونسپل کارپوریشن کے چیف آفیسر حامد رضا کی قیادت میں بہاری کالونی محمود کوٹ روڈ اور ڈی جی خاں روڈ پر جیوٹ مل کے قریب تعمیر ہونے والی غیر قانونی عمارتوں کو جانچ پڑتال کے بعد سیل کر دیا گیا۔ اسی طرح ضلع بھر میں سرکاری اراضی پر قبضہ کرنے والوں کے خلاف کارروائیاں جاری ہیں۔ ڈپٹی کمشنر نے کہا کہ قانون کی خلاف ورزی کرنے والوں کو گرفتار اور بھاری جرمانے کیے جائیں گے۔انہوں نے کہا کہ شہر میں غیر قانونی تعمیرات اور تجاوزات کے خلاف آپریشن جاری رہے گا۔