مظفر گڑھ (مظفرگڑھ ڈاٹ سٹی۔ 10 مارچ2023ء) صوبہ پنجاب کے ضلع مظفر گڑھ کی تحصیل علی پور میں ایک افسوس ناک واقعہ پیش آیا ہے، جہاں غربت کے مارے باپ نے چار سالہ بیٹی کوسینے سے باندھ کرنہرمیں چھلانگ لگا کرخودکشی کرلی۔تفصیلات کے مطابق مظفر گڑھ کے علاقے علی پور کے تھانہ صدر کی حدود میں واقع ہیڈ پنجند میں احمد پور شرقیہ کے رہائشی 53سالہ محمد سلیم نے چار سالہ بیٹی عباسیہ کے ساتھ نہر میں چھلانگ لگادی۔
عینی شاہ کے مطابق سلیم نے بیٹی کو کپڑے سے اپنے ساتھ باندھا اور پھر نہر میں چھلانگ لگا ئی۔واقعہ کی اطلاع ملنے کے بعد ریسکیو 1122کے غوطہ خور مقام پر پہنچے اور لاشوں کی تلاش کیلئے ریسکیو آپریشن شروع کیاآخری اطلاع تک دونوں کی لاشوں کی تلاش جاری ہے ۔دوسری جانب پولیس کا کہنا ہے کہ بیٹی سمیت نہر میں چھلانگ لگانے والا محمد سلیم احمد پور شرقیہ ضلع بہاولپور کا رہائشی تھا، اور اس کا مبینہ طور پر اپنی بیوی کے ساتھ گھریلو جھگڑے کی وجہ سے رنجیدہ تھا۔