مظفرگڑھ (مظفرگڑھ ڈاٹ سٹی۔ 23 اپریل2022ء) ڈسٹرکٹ پولیس آفیسر کیپٹن ریٹائرڈ طارق ولایت کی علی پور میں وڈیرے کے ہاتھوں قتل ہونے والے 14سالہ روزہ دار چرواہے محسن کے گھر آمداور موقع واردات کا معائنہ۔
پولیس ترجمان کے مطابق ڈسٹرکٹ پولیس آفیسرکیپٹن(ر) طارق ولائت نے مظفرگڑھ کی تحصیل علی پور میں تھانہ صدر کی حدود میں گزشتہ روز گندم کے کھیت میں 14 سالہ روزہ دار دسویں کلاس کے طالبعلم محسن کی بکریاں داخل ہونے پرکھیت کے مالک وڈیرے فیاض غزلانی اور اس کے ملازم بلال آرائیں کے ہاتھوں قتل ہونے والے چرواہے محسن کے گھر جا کر اس کے اہل خانہ سے تعزیت کی اور جائے وقوعہ کا بھی دورہ کیا۔
ڈی پی او نے مقتول کے ورثاء سے اظہار تعزیت کیا اور انہیں فوری انصاف کی یقین دہانی بھی کرائی۔ڈی پی او نے مقتول کے ورثا کو یقین دلایا کہ وقوعہ کی ہر زاویے سے تحقیق کے بعدبچے کے قاتلوں کو قانون کے مطابق قرارواقعی سزا دلوائی جائے گی ۔اس موقع پر ایس پی انویسٹی گیشن ضیاء اللہ اور ڈی ایس پی علی پور منور بزار بھی ڈی پی او کے ساتھ تھے ۔ڈی پی او نے مقتول کے ورثا کو بتایا کہ ایس پی انویسٹی گیشن کی سربراہی میں تفتیشی ٹیم تشکیل دے دی ہے جو مقدمہ کی جلد از جلد میرٹ پر تفتیش کرے گی۔\378