مظفرگڑھ(مظفر گڑھ ڈاٹ سٹی۔ 22 جون۔2015ء ) مظفرگڑھ کی تحصیل علی پور کے علاقے فتح پور میں زرعی پانی کے تنازع پر زمیندار نے کسان پر کتے چھوڑ دیئے جس کے باعث کسان جاں بحق ہوگیا۔ وزیراعلیٰ پنجاب نے واقعے کا نوٹس لیتے ہوئے ڈی پی او سے رپورٹ طلب کرلی۔مظفرگڑھ کی تحصیل علی پور کے علاقے فتح پور میں زرعی پانی کے تنازع پر مقامی زمیندار نے کریم بخش نامی کسان پرکتے چھور دیئے۔ کتوں کے کاٹنے سے معمر کسان شدید زخمی ہوگیا جس کو تحصیل اسپتال منتقل کردیا گیا جہاں وہ جان بر نہ ہوسکا۔ واقعے کا تاحال مقدمہ درج نہیں ہوسکا۔ پولیس کے مطابق ملزم فرار ہونے میں کامیاب ہوگیا ہے۔وزیراعلیٰ پنجاب نے واقعے کا نوٹس لیتے ہوئے ڈی پی او سے رپورٹ طلب کرلی۔