مظفرگڑھ(مظفرگڑھ ڈاٹ سٹی۔ 27 اکتوبر2022ء) مظفر گڑھ کے شہر کوٹ ادو میں 3 لڑکوں کے قتل اور چوری و ڈکیتی کی واداتوں کے پیش نظر ڈی ایس پی ریاض حسین بخاری کی قیادت میں پولیس نے وسرے روز بھی فلیگ مارچ کیا۔
پولیس ترجمان کے مطابق ڈی پی او کے حکم پر کوٹ ادو شہر کے داخلی و خارجی راستوں پر پولیس پکٹس نے باقاعدہ کام کا آغاز کر دیا ہے جہاں شام سے رات گئے تک سخت چیکنگ کی جاتی ہے۔ڈی ایس پی کوٹ ادو ریاض حسین بخاری نے پکٹس پر تعینات پولیس اہلکاروں کو بریفنگ دیتے ہوئے کہا ہے کہ پولیس کا مشن مجرمان کی ہر قیمت پر سرکوبی کرنا ہے،شہر سے جرائم کے خاتمہ کےلئے تمام ممکنہ وسائل بروئے کار لائے جائیں گے۔