مظفر گڑھ ۔ (مظفر گڑھ ڈاٹ سٹی۔ 04 دسمبر2018ء) چیئرمین میونسپل کمیٹی مظفرگڑھ کی جانب سے کروڑوں روپے کی مبینہ کرپشن،میونسپل کمیٹی میں ملازمین کی بوگس بھرتیوں اور قیمتی جائیداد من پسند افراد کو الاٹ کرنے کیخلاف مظفرگڑھ میں 11 سے زائد کونسلرز نے احتجاجی دھرنا دیدیا۔مظفرگڑھ میونسپل کمیٹی کے چیئرمین کی مبینہ کرپشن کیخلاف کونسلرز نے مظفرگڑھ کے فیاض پارک چوک پر احتجاجی دھرنا دیدیا۔احتجاجی دھرنے میں میونسپل کمیٹی کے کونسلرز ملک مجاہد, ملک جاوید چھجڑا, ملک ریاض موہانہ ,الطاف بھٹی , لیاقت پٹھان ,شیخ اظہر جنگی ,عبدالرحیم وغیرہ کے علاوہ انجمن تاجران کے نمائندے ,ملک ذوالفقار حسین ڈوگر ,ظفر اقبال گرمانی ,ملک وزیر احمد موہانہ صدر مزدور اتحاد تنظیم ,اصغر سعیدی و دیگران بھی شریک ہیں۔احتجاجی کونسلرز کیمطابق چیئرمین میونسپل کمیٹی اکرم چانڈیہ نے کرپشن کی مد میں کروڑوں روپے خردبرد کیے،میونسپل کمیٹی میفرگڑھ کی کروڑوں روپے مالیت کی کمرشل جائیداد من پسند افراد کو الاٹ کی گئیں۔