مظفرگڑھ (مظفرگڑھ ڈاٹ سٹی۔ 17 جون2020ء) مظفرگڑھ کے نواحی علاقے چوک سرور شہید میں سود خوروں کا راج، قرض بمعہ سود اتارنے کے باوجود شہریوں کو تنگ کرنے کا سلسلہ جاری، چوک سرور شہید کے چک نمبر 561 کے رہائشی عاطف نے بتایا ھے کہ اس نے سال 2017 میں ڈیڑھ لاکھ روپیہ سود پر لیا تھا جو وہ پنچائتی فیصلے کے مطابق سود سمیت مکمل طور پر ادا کر چکا ھے لیکن اس کی جائیداد کے کاغذات واپس نہیں کئے جارھے اور مزید سود ادا کرنے کیلئے کہا جا رھا ھے۔اس نے بتایا کہ سود خور اس کے ساتھ غنڈہ گردی کر رھے ھیں اور مزید رقم نہ دینے پر جان سے مارنے کی دھمکیاں دے رھے ھیں۔ ایک مرتبہ انھوں نے اس کے 2 کمسن بیٹوں کو موٹرسائیکل سے گرا کر جان سے مارنے کی کوشش بھی کی ھے۔ اس نے بتایا کہ اس نے پولیس کو متعدد مرتبہ درخواستیں دی ھیں لیکن اب تک کوئی کارروائی نہیں کی گئی۔ متاثرہ شخص عاطف نے ڈی پی او مظفرگڑھ سے سود خوروں سے اس کی جان بچانے اور انصاف دلانے کا مطالبہ کیا ھے۔