مظفر گڑھ (مظفر گڑھ ڈاٹ سٹی۔30جون 2014ء) مظفر گڑھ میں بیٹی کی شادی کرنے پر بااثر افراد نے لڑکی کو اغواء کرلیا ۔ والدہ اور خالہ کی ٹانگیں بھی توڑ دیں ، متاثرہ خاندان کا وزیراعلیٰ پنجاب سے واقعہ کا نوٹس لینے کا مطالبہ ۔میڈیا رپورٹس کے مطابق یہ افسوسناک واقعہ مظفر گڑھ کے نواحی علاقے شاہ جمال میں پیش آیا جہاں شاہ جمال کے رہائشی محمد اسلم نامی شخص نے اپنی بیٹی کی شادی کردی تھی جس پر بااثر افراد نے شادی کے بعد لڑکی کو اغواء کرلیا جبکہ والدہ اور خالہ پر تشدد کرکے ان کی ٹانگیں بھی توڑ دیں متاثرہ خاندان جب بااثر افراد کیخلاف تھانے میں مقدمہ درج کرانے گیا تو پولیس نے مقدمہ درج کرنے سے انکار کردیا پیر کو متاثرہ خاندان نے بااثر افراد کیخلاف مظفر گڑھ میں احتجاجی مظاہرہ کیا اور وزیراعلیٰ پنجاب شہباز شریف سے واقعہ کا نوٹس لینے اور ملزمان کیخلاف سخت کارروائی کا مطالبہ کیا ۔