مظفرگڑ ھ (مظفرگڑھ ڈاٹ سٹی۔ 28 جولائی2022ء) محکمہ زراعت کے زیر اہتمام ڈیجیٹل گرداوری کی بنیاد پر کھادوں کی فراہمی کے سلسلے میں کھاد ڈیلرز،سب ڈیلرز وریٹیلرز کے لیےتربیتی ورکشاپ کا انعقاد۔ورکشاپ میں ضلع کے تمام کھاد ڈیلرز نے شرکت کی۔
ڈپٹی ڈائریکٹر زراعت (توسیع) مظفر گڑھ رانا حبیب الرحمٰن نے کہا کہ تربیت کا مقصد کاشتکاروں کو گرداوری کی بنیاد پر الیکٹرانک طریقہ کے تحت کھادوں کی تقسیم کے طریقہ کار کے متعلق آگاہی دینا ہے تاکہ اصل کاشتکار کو اس کی مطلوبہ مقدار میں کھاد کے حصول کو یقینی بنایا جا سکے اور غیر کاشتکار جو ناجائز طور پر کھاد خرید کر بلیک مارکیٹنگ میں ملوث ہیں ان کی حوصلہ شکنی ہو سکے۔
انہوں نے کہا کہ کاشتکاروں کو شفاف طریقے سے کھادوں کی تقسیم کو یقینی بناتے ہوئے ان کے استحصال کو روکنا ہماری اولین ترجیحات میں شامل ہے۔