مظفرگڑھ ۔ (مظفر گڑھ ڈاٹ سٹی۔ 31 مئی2019ء) ماہ صیام کی برکتوں اور رحمتوں کو سمیٹنے میں خواجہ سرا بھی پیش پیش، شاہانہ عباس شانی ٹرانس جینڈر ایمپاورمنٹ صدر پنجاب کی طرف سے سالانہ افطاری کا اہتمام،تفصیلات کے مطابق صدر پنجاب ٹرانس جینڈرایمپاورمنٹ شاہانہ عباس شانی کی طرف سے ہر سال کی طرح اس سال بھی ماہ رمضان میں افطار کے حوالے سے قریبی مساجد میں نمازیوں اور طلبائ کو افطار کے ساتھ ساتھ پارٹی کا اہتمام ان کی رہائش گاہ پر بھی کیا گیا .جس میں سیاسی ,سماجی و صحافتی شخصیات کے علاوہ بیرون ملک سے بھی آئے ہوئے مہمانوں نے شرکت کی، اس موقع پر آئے ہوئے مہمانوں نے افطار پارٹی کے حوالے سے گفتگو کرتے ہوئے کہا کہ ماہ رمضان المبارک کے مہینے میں شاہانہ عباس شانی کا افطار پارٹی کا اہتمام رحمتوں اور برکتوں کو سمیٹنا ہے اور خواجہ سراؤں کا مذہبی پروگراموں میں پیش پیش رہنا خوش آئند ہے، آخر میں صدر پنجاب شاہانہ عباس شانی نے دور و نزدیک سے آئے تمام مہمانوں کا شکریہ ادا کیا اور تمام مسلمانوں کے لئے نیک خواہشات کا اظہار کیا.