مظفر گڑھ ۔ (مظفر گڑھ ڈاٹ سٹی۔ 28 نومبر2018ء) مظفرگڑھ کے صحافیوں نے علاقہ تھانہ سٹی کی حدود میں شادی والے گھر میں ایمپلی فائر ایکٹ کی خلاف ورزی کے مقدمے میں واقعہ کی کوریج کرنے والے صحافی منصور پاشا کو شامل کرنے کی مذمت کی ہے۔صحافی رہنمائوں نے کہا ہے کہ پولیس کی کارروائی کی وڈیو بنانے کی پاداش میں صحافی کے خلاف مقدمہ درج کرنا آزادی صحافت کے منافی ہے۔صدر ڈسٹرکٹ پریس کلب مظفرگڑھ نعیم احمد خان اور صدر جنوبی پنجاب یونین آف جرنلسٹس رانا امجد علی امجد نے صحافی کا نام مقدمے میں شامل کرنے کی مذمت کی۔