حکومت نے اپنے 100 دن کے ایجنڈے میں پاکستان کے سوا دو کروڑ تعلیم سے محروم بچوں کو اسکول بھیجنے کا عزم کیا ہے،ام کلثوم سیال

مظفر گڑھ ۔ (مظفر گڑھ ڈاٹ سٹی۔ 28 نومبر2018ء) ملک بھر میں ایک کروڑ بیس لاکھ تعلیم سے محروم بچیوں کا اسکولوں میں اندراج کیاجائے،حکومت کے 100 دن مکمل ہونے کے موقعے پر ملک بھر میں تعلیم کے حصول کے لیے سرگرم کارکنان نیگرلز ایجوکیشن ٹاسک فورس کی فوری تشکیل کا مطالبہ کیا ہی.ان خیالات کا اظہارسوشل یوتھ کونسل پیٹریاٹ کی چیئرپرسن ام کلثوم سیال نے صحافیوں سے گفتگو کرتے ہوئے کیا.ان کا کہنا تھا کہ پاکستان کولیشن فار ایجوکیشن، پاکستان یوتھ چینج ایڈوکیٹس، سوشل یوتھ کونسل پیٹریاٹ، ادارہ برائے تعلیم و ترقی اور آواز سی ڈی ایس نے اس موقع پر لڑکیوں کی تعلیم کے حوالے سے اعدادو شمار پر مبنی فیکٹ شیٹس بھی شائع کی ہیں.ام۔کلثوم سیال کا کہنا تھا کہ یہ بہت خوش آیند عمل ہے کہ حکومت نے اپنے 100 دن کے ایجنڈے میں پاکستان کے سوا دو کروڑ تعلیم سے محروم بچوں کو اسکول بھیجنے کا عزم کیا ہے۔