65 سالہ شخص نے 7 سالہ بچی کو زیادتی کا نشانہ بنا دیا

مظفر گڑھ (مظفرگڑھ ڈاٹ سٹی ۔ 27 اگست 2021ء ) مظفر گڑھ میں 7 سالہ بچی کے ساتھ زیادتی کرنے والے 65 سالہ نظر حسین کو گرفتار کر لیا گیا۔تفصیلات کے مطابق مظفر گڑھ میں ایک انتہائی  افسوسناک اور شرمناک واقعہ پیش آیا ہے جہاں پر ادھیڑ عمر شخص نے ننھی معصوم بچی کو زیادتی کا نشانہ بنا دیا۔پولیس حکام کا کہنا ہے کہ بچی کو اس وقت زیادتی کا نشانہ بنایا گیا جب وہ اسکول جا رہی تھی۔

ملزم نظر حسین 7 سالہ بچی کو اپنی کریانہ کی دکان پر لے گیا جہاں پر زیادتی کی۔پولیس نے فوری کارروائی کرتے ہوئے ملزم کو گرفتار کر لیا ہے۔ملزم کے خلاف زیادتی کا مقدمہ بھی درج کر لیا گیا ہے۔ملزم کی عمر 65 سال ہے،متاثرہ بچی کو طبی معائنہ کرانے کے لیے اسپتال منتقل کر دیا ہے۔پولیس کے مطابق رپورٹ آنے کے بعد ملزم کے خلاف کارروائی عمل میں لائی جائے گی۔

دوسری جانب ایک اور واقعے میں بھی خاتون کے ساتھ زیادتی کی گئی ہے۔ گڑھی شاہو میں ایک شخص نے نوکری کا جھانسہ دے کر خاتون کو اجتماعی زیادتی کا نشانہ بناڈالا ، پولیس نے روایتی کاروائی کرتے مقدمہ درج کر لیا لیکن ملزمان تاحال فرار ہیں۔ تفصیلات کے مطابق لاہور میں بیٹی کے سامنے ماں سے اجتماعی زیادتی کا ایک اور واقعہ سامنے آیا، جہاں گڑھی شاہو میں نوکری کا جھانسہ دے کر خاتون کو بلا کر زیادتی کا نشانہ بنایا گیا، پولیس نے روایتی کاروائی کرتے مقدمہ درج کر لیا تاہم ملزمان تاحال فرار ہیں۔ 

پولیس کا کہنا ہے کہ ملزمان نے اسلحہ کے زورپر2سال کی بچی کے سامنے ماں کیساتھ زیادتی کی، مقدمے کے متن میں کہا گیا ہے مغلپورہ کی رہائشی خاتون کو سیف نامی ملزم نے نوکری دلانے کے بہانے بلایا اور رکشہ ڈرائیور سیف سمیت 3ملزمان نے خاتون سے زیادتی کی۔