مظفرگڑھ ۔ (مظفرگڑھ ڈاٹ سٹی۔ 05 دسمبر2019ء) ڈی پی او مظفرگڑھ سید ندیم عباس نے مظفرگڑھ کے تاجر راہنماؤں سے اپنے دفتر میں ملاقات کی اور مظفرگڑھ شہر کی مارکیٹس اور ان کے تحفظات اور پولیس کے کرادر پر تفصیلی گفتگو کی، ملاقات میں انجمن تاجران کے راہنماؤں نے ڈی پی او۔
مظفرگڑھ سید ندیم عباس کو مظفرگڑھ میں خوش آمدید کہا اور ان کی تعیناتی کو مظفرگڑھ کیلئے خوش آئند قرار دیا، ڈی پی او کا کہنا تھا کہ پولیس کا ہر جوان شہریوں کے جان مال عزت و آبرو کا تحفظ ہر حال میں یقینی بنائیگا، شہر میں گشت کا نظام ، سسی ٹی وی مانیٹرنگ، ڈولفن فورس اور پولیس فورس کا موثر گشت یقینی بنایا جائیگا اور ٹریفک متعلق مسائل بھی حل کیئے جائیں گے۔
ڈی پی او کا مزید کہنا تھا جرسئم۔پیشہ عناصر کے خلاف وہ ہر حد تک جائیں گے اور شریف شہریوں کو پولیس سے تحفظ کا مکمل احساس عملی طور پر دیا جائیگا۔ڈی پی او نے آخر میں انجمن تاجران کے راہنماؤں کا اپنے تعاون کی یقین دہانی کے بعد خصوصی شکریہ ادا کیا اور ساتھ رہ کر معاشرے کو پر امن اور خوشحال بنانے کا اعادہ کیا۔