مظفرگڑھ (مظفرگڑھ ڈاٹ سٹی ۔ 07 ستمبر2019ء) ڈسٹرکٹ بار ایسوسی ایشن مظفرگڑھ نے ہفتہ کے روز فیروز والا بار کے ممبر رانا احمد مختار ایڈووکیٹ کے ساتھ پولیس گردی اور صلاح الدین سمیت بے گناہ شہریوں کی پولیس حراست میں قتل کے واقعات کے خلاف مکمل ہڑتال کی اور عدالتی بائیکاٹ کیا۔
صدر بار مظفرگڑھ، مہر اعجاز احمد، جنرل سیکرٹری ظفر اقبال انصاری ممبران جام محمد یونس، رانا امجد علی امجد، ملک صفدر پہوڑ، رانا واجد علی، سید شاہد مزمل شیرازی سمیت وکلاء نے پولیس گردی کی شدید مذمت کرتے ہوئے واقعات کی جوڈیشل انکوائری کرانے اور ذمہ داران کے خلاف سخت ترین کارروائی کا مطالبہ کیا ہے جبکہ وکلاء کی ہڑتال کے باعث مقدمات کی سماعت ملتوی کر دی گئی۔