مظفرگڑھ (مظفرگڑھ ڈاٹ سٹی ۔ 07 ستمبر2019ء) تھانہ سنانواں پولیس نے ڈکیت شیرازی گینگ کے سرغنہ سمیت 5 ملزمان گرفتار کر کے 4 موٹرسائیکل، لاکھوں روپے نقدی اور جدید آٹو میٹک ناجائز اسلحہ برآمد کر لیا۔
ڈی پی او مظفرگڑھ صادق علی ڈوگر کا ایس پی انوسٹی گیشن چوہدری سجاد احمد گجر کے ہمراہ پریس کانفرنس کرتے ہوئے کہنا تھا کہ ڈکیت گینگ، جن پر سرکل کوٹ ادو کے مختلف تھانہ جات میں ڈکیتی و رہزنی اور ناجائز اسلحہ کے 14 مقدمات درج ہیں، تحصیل کوٹ ادو کے مختلف علاقوں میں شریف شہریوں سے اسلحہ کے زور پر موٹر سائیکلیں اور نقدی چھین کر فرار ہو جاتے تھے اور بعض اوقات مزاحمت پر شریف شہریوں کو زخمی بھی کر دیتے تھے، اس گینگ کو برسٹ کرنے کیلئے تھانہ سنانوان کے ایس ایچ او کلیم اللہ گاڈی نے پولیس ٹیم کے ہمراہ جدید سہولیات کو حاصل کرتے ہوئے اس گینگ کو ٹریس کر لیا اور بعدازاں اس گینگ کی گرفتاری کیلئے خصوصی ٹیمیں تشکیل دیتے ہوئے مختلف علاقوں میں چھاپے مار کر گینگ کے سر غنہ شیراز سمیت اس کے 4 دیگر ساتھیوں کو بھی گرفتار کر لیا، دوران تفتیش ملزمان سے 2 عدد جدید کلاشنکوفیں، 4 عدد پستول 30 بور، ایمونیشن، 4 عدد موٹر سائیکل جن میں ایک ہنڈا ڈریم تین ہنڈا سی ڈی موٹر سائیکل شامل ہیں، جبکہ ملزمان سے 2 لاکھ 50 ہزار روپے وارداتوں میں چھینی گئی اور فروخت کیئے گئے سامان کی نقد رقم بھی برامد کر کے مدعیان مقدمات میں رقم اور موٹر سائیکل کی چابیاں تقسیم کیں، ملزمان پر سرکل کوٹ ادو کے تھانہ جات دائرہ دین پناہ، کوٹ ادو، محمودکوٹ اور تھانہ سنانواں میں ڈکیتی کے 10 مقدمات جنکہ ناجائز اسلحہ کے 4 مقدمات درج ہیں، ڈی پی او صادق علی ڈوگر نے ایس ایچ او تھانہ سنانواں کلیم اللہ گاڈی کو 10 ہزار نقد اور پولیس ٹیم کو تعریفی اسناد اور نقد انعام سے بھی نوازا۔