مظفرگڑھ (مظفرگڑھ ڈاٹ سٹی۔ 28 فروری2023ء) ڈپٹی کمشنرمظفرگڑھ آغا ظہیر عباس شیرازی نے ضلعی ہیڈ کوارٹر کوٹ ادو شہرکا اچانک دورہ کیا اور شہرمیں کام کرتے بلدیہ ملازمین کی حاضری چیک کی اور شہر بھر میں صفائی کی صورتحال کا جائزہ لیا ۔اس موقع پر اسسٹنٹ کمشنر کوٹ ادو اصغر اقبال لغاری بھی ان کے ہمراہ موجود تھے۔
ڈپٹی کمشنر نے سینٹری انسپکٹر سمیت ایم او آئی سب انجنیئراور میونسپل کمیٹی عملے کو ہدایت کی کہ میونسپل سروسز کو بہتر سے بہتر بنایا جائے اوراس سلسلے میں عوامی شکایات کا فوری ازالہ کیا جائے، شہر کو خوبصورت بنایا جائے، داخلی اور خارجی راستوں کی تزین و آرائش کی جائے۔
ڈپٹی کمشنر نے سبزی منڈی کو بھی چیک کیا۔انہوں نے سبزیوں اور فروٹس کے معیار کو چیک کرتے ہوئے اپنے سامنے بولی بھی لگوائی ۔انہوں نے سبزی منڈی میں آویزاں سرکاری ریٹ لسٹ کو اپڈیٹ کرنے اور ہول سیل کے مطابق ریٹ لسٹ جاری کرنے کی کرنے کی ہدایت کی۔ڈپٹی کمشنر نے کہا کہ آٹے کے سیل پوائنٹس کو بھی چیک کیا اور نظم و ضبط اور شفافیت سے ترسیل کو یقینی بنانے کی ہدایت کی تاکہ حق دار تک اسکا حق پہنچ سکے۔