مظفر گڑھ ‘ گھریلو تنازعہ پرباپ نے 13 ماہ کی بچی کو زندہ درگورکردیا،ملزم گرفتار ، پولیس نے نعش قبضے میں لے لی، اہل محلہ میں خوف و ہراس

style="display:block" data-ad-client="ca-pub-4163322924037420" data-ad-slot="3714019811" data-ad-format="auto" data-full-width-responsive="true">
مظفرگڑھ (مظفرگڑھ ڈاٹ سٹی ۔ 22اکتوبر 2012ء) مظفر گڑھ کے علاقے چوک سرورشہید میں گھریلو تنازعہ پرباپ نے اپنی 13 ماہ کی بیٹی کو زندہ دفن کردیا،پولیس نے ملزم کو گرفتار کر لیا ۔پیر کو پولیس کے مطابق مظفر گڑھ کے علاقیچوک سرور شہید کے چک نمبر 132 کے رہائشی اعجاز نے اپنی تیرہ ماہ کی بچی کو زندہ درگور کردیا،پولیس کے مطابق گھریلو تنازع پر اعجاز نے اپنی بچی کو گڑھاکھود کر دفنا دیا۔

اہل علاقہ کی اطلاع پر مقامی پولیس نے آکرنعش کو قبضے میں لے لیااور پوسٹ مارٹم کے لئے اسپتال منتقل کردیا ، ڈاکٹرز کی عدم موجودگی کے باعث تاحال پوسٹ مارٹم نہ ہوسکا۔واقع کی خبر سن کر اہل محلہ میں خوف و ہراس پھیل گیا، جبکہ ملزم موقع سے فرارہوگیا، واقع کی ایف آئی آر تھانہ سرور شہید تھانے میں درج ہوگئی اور پولیس نے ملزم کو گرفتار کر لیا ہے۔