مظفر گڑھ۔7 مارچ(مظفر گڑھ ڈاٹ سٹی۔ 07 مارچ2017ء) اسسٹنٹ کمشنر مظفرگڑھ ڈاکٹر سیف اللہ بھٹی نے کہا ہے کہ ضلع بھر میں مردم شماری کے حوالے سے آگاہی مہم جاری ہے ، اس سلسلے میں(آج) 8مارچ کی سہ پہر 3بجے ضلع کونسل ہال مظفرگڑھ میں سیمینار کا انعقاد کیا جارہا ہے، سیمینارسے ڈپٹی کمشنر مظفرگڑھ سیف انور جپہ خطاب کریں گے، آگاہی سیمینار میں مردم شماری کا عملہ ، پاک فوج، محکمہ تعلیم کے افسران و اہلکاروں سمیت سول سوسائٹی کے افراد ،میڈیا کے نمائندگان اور شہریوں کی بڑی تعداد کو مردم شماری کی اہمیت بارے آگاہی دینا مقصود ہے تا کہ عوام اس مہم میں بڑھ چڑھ کر حصہ لیں اور اسے کامیاب بنائیں، انہوں نے کہاکہ ضلع مظفرگڑھ میں مردم شماری مہم میں پاک فوج ، ضلع انتظامیہ، پولیس اور محکمہ تعلیم کے اہلکار اپنے فرائض سرانجام دیں گے۔