مظفر گڑھ(مظفر گڑھ ڈاٹ سٹی۔ 17جون 2013ء) مظفر گڑھ میں پیاز توڑنے پر زمیندار نے مبینہ طور پرچار سالہ بچی پر کتے چھڑوادیئے۔ وزیراعلیٰ پنجاب نے نوٹس لے لیا۔واقعہ پیش آیا مظفرگڑھ کے نواحی علاقے لنڈی پتافی میں جہاں کھیتی باڑی کرنے والے غریب گھرانے کی چارسال کی زبیدہ نے بغیراجازت کھیت سے پیازتوڑی توزمیندارنے غصہ میں آکرمبینہ طور پر معصوم بچی پر کتے چھوڑدیئے۔15دن تک بچی کی مرہم پٹی مقامی ڈاکٹرہی کرتارہا لیکن ناک کا زخم گہرا تھا بچی کو نشتراسپتال منتقل کیاگیا جہاں ڈاکٹرنے پلاسٹک سرجری کی ہدایت کردی ہے۔تھانہ بیٹ ہزاری میں نہ ہی کوئی درخواست دائر کی گئی نہ ہی پولیس خود حرکت میں آئی۔واقعہ کا علم ہوتے ہی وزیراعلیٰ پنجاب میاں شہبازشریف نے فوری نوٹس لیتے ہوئے رپورٹ طلب کرلی ہے۔