مظفر گڑھ (مظفر گڑھ ڈاٹ سٹی۔ 29مئی 2013ء)میر ہزار کے علاقہ بیٹ دریائی میں زہر یلا کھانا کھانے سے جاں بحق ہونے والے بچوں کی تعداد 5 ہو گئی۔گزشتہ شب ایک ہی خاندان کے دس افراد نے زہر ملا کھانا کھا لیا تمام افراد کو شدید تشویشناک حالت میں پہلے ڈی ایچ کیو مظفر گڑھ منتقل کیا گیا تاہم حالت غیر ہونے پر انہیں ملتان کے دو ہسپتالوں میں ریفر کیا گیا۔زہر جسم میں پھیل جانے کے باعث دو بچے نشتر ہسپتال جبکہ 3 چلڈرن ہسپتال میں دم توڑ گئے۔جاں بحق ہونے والوں میں پانچ سالہ فراز،چھ سالہ سراج،گیارہ سالہ شہباز،بارہ سالہ ساجد مائی اور پندرہ سالہ سمیعہ بی بی شامل ہیں۔