مظفر گڑھ۔31 مارچ(مظفر گڑھ ڈاٹ سٹی۔ 31 مارچ2018ء)مظفرگڑھ میں جشن بہاراں فیسٹول کے سلسلہ میں باسکٹ بال کا میچ منعقد ہوا جس میں نیو فرینڈز باسکٹ بال کلب نے کامیابی حاصل کر لی۔سپورٹس ڈیپارٹمنٹ کی جانب سے فیصل اسٹیڈیم میں جشن بہاراں فیسٹول کے سلسلہ میں باسکٹ بال کا میچ ہوا جس کے مہمان خصوصی ایڈیشنل ڈپٹی کمشنر ریونیو عطاء الحق ملک تھے باسکٹ بال کے میچ میں مظفرگڑھ باسکٹ بال کلب اور نیو فرینڈز باسکٹ بال کلب کی ٹیموں نے حصہ لیا جو سخت مقابلہ کے بعد 16 کے مقابلہ میں 27 پوائنٹس حاصل کر کے نیو فرینڈز باسکٹ بال کلب نے جیت لیا نیو فرینڈز کلب کے کھلاڑی ثاقب سرمد نے ٹیم کی جیت میں اہم کردار ادا کرتے ہوئے 11 پوائنٹس بنا کر بہترین کھلاڑی کا اعزاز حاصل کیا۔ضلعی سپورٹس آفیسر کا کہنا تھا کہ پنجاب حکومت کھیلوں کے فروغ اور کھلاڑیوں کی فلاح کے لیے تمام تر میسر وسائل بروئے کار لا رہی ہے پنجاب حکومت کی سرپرستی اور محکمہ سپورٹس کی کاوشوں سے کھیلوں کے میدان آباد ہونے لگے ہیں ضلعی سپورٹس آفیسر کے مطابق 15 اپریل سے فیصل اسٹیڈیم میں انڈر 18 کا تربیتی کیمپ لگایا جائے گا جس میں ضلع بھر سے باسکٹ بال کے کھلاڑی حصہ لیں گے۔ اس موقع پر مہمان خصوصی نے ونر اور رنر اپ ٹیموں میں انعامات تقسیم کیے۔