مظفرگڑھ (مظفرگڑھ ڈاٹ سٹی ۔ 20 ستمبر2021ء) دریائے چناب میں ڈوبنے والے 15 سالہ لڑکے کو مقامی افراد نےنکال کر زندگی بچا لی ریسکیو 1122 کنٹرول روم مظفر گڑھ کے مطابق مظفرگڑھ کی تحصیل علی پور کی بستی غلام محمد مڈوالا کے قریب 15 سالہ اسماعیل ولد اللہ بخش نامی لڑکا بھینسوں کو نہلاتے ہوئے دریائے چناب میں ڈوب گیا،اطلاع ملنے پر ریسکیو 1122 ایمبولینس اور واٹر سرچ ٹیم موقع پر جانے کےلئے روانہ ہوئی تو انہیں راستہ میں اطلاع دی گئی کہ مقامی لوگوں نے اپنی مدد آپ کے تحت لڑکے کو نکال لیا ہےاور موٹر سائیکل پہ لے کے آرہے ہیں۔
ریسکیو 1122 ایمبولینس نے راستے میں ہی چوک پرمٹ پر لڑکے کو ابتدائی طبی امداد فراہم کی اور سی پی آر کرتے ہوئے ٹی ایچ کیو ہسپتال علی پور منتقل کر دیا ہے،جہاں لڑکے کی حالت تسلی بخش بتائی گئی ہے۔