مظفرگڑھ ۔ (مظفرگڑھ ڈاٹ سٹی ۔ 07 اکتوبر2019ء) بڑھتی ہوئی آبادی پر کنٹرول کرنا وقت کی ضرورت ہے بہبود آبادی سے متعلق کام کرنے والے تمام محکمہ جات اور اداروں کو مل کر حکمت عملی بنانی چاہیے۔ ڈپٹی کمشنر ڈاکٹر احتشام انور نے بہبود آبادی کے ماہانہ اجلاس کی صدارت کرتے ہوئے تمام اسسٹنٹ کمشنرز کو بھی ہدایت کی کہ اپنی اپنی تحصیلوں میں مختلف علاقوں کے دورہ کی وقت فیملی پلاننگ مراکز کی بھی مانیٹرنگ کیا کریں اس سے قبل ڈسٹرکٹ آفیسر بہبود آبادی مسز فرزانہ کوثر نے بتایا کہ ضلع میں بہبود آبادی کے 64مراکز کام کررہے ہیں، آگاہی سیشن کے علاوہ پورے ضلع میں میڈیکل کیمپ کے ذریعے بھی لوگوں کو فیملی پلاننگ کی ترغیب دی جارہی ہے، اجلاس میں فیصلہ ہوا کہ یونین کونسل دوآبہ کو مثالی یونین کونسل بنانے کیلئے تمام محکمہ جات ملکر کام کریں گے تاکہ اس یونین کونسل کو ماڈل بنایا جاسکے، اجلاس میں محکمہ صحت سوشل ویلفیئر، رہنما، گرین سٹار، میری ٹاپس سمیت این جی اوز کے نمائندگان اورملک خیر محمد بدھ نے شرکت کی۔