مظفرگڑھ(مظفرگڑھ ڈاٹ سٹی۔ 13 اکتوبر2021ء) :ڈپٹی کمشنر سید موسیٰ رضا کا شہر کے تمام کھیل کے میدانوں پارکوں اور ای لائبریری کا ہنگامی دورہ ۔وہاں پر ہونے والے ترقیاتی کاموں اور صفائی ستھرائی کا معائنہ کیا اور دیگر تمام انتظامی معاملات کا جائزہ لیا۔ایڈیشنل ڈپٹی کمشنر جام آفتاب حسین سمیت دیگر متعلقہ حکام بھی ان کے ہمراہ تھے۔
ڈپٹی کمشنر نے فیصل اسٹیڈیم کا دورہ کیا اور انتظامیہ کو ہدایت کی کہ اسٹیڈیم کی صفائی کی جاۓ ۔گھاس کی تراش کی جاۓ تاکہ یہاں آنے والے نوجوان کھلاڑیوں کو بہترین ماحول میسر آسکے۔انہوں نے فیصل اسٹیڈیم میں موجود ای لائبریری کا بھی دورہ کیا اور اس عزم کا اظہار کیا کہ ای لائبریری کو جلد فعال کیا جاۓ گا۔انہوں نے کہا کہ ای لائبریری ایک قیمتی اثاثہ ہے اسکی حفاظت اور بہتری کو یقینی بنایا جاۓ گا۔
ڈپٹی کمشنر سید موسیٰ رضا نے شہر کے وسط میں واقع فیاض پارک کا بھی دورہ کیا اور صفائی لائٹس اور پلانٹیشن کے معاملات کا جائزہ لیا ۔انہوں نے ہدایت کی کہ پارک کی صفائی سمیت پودوں اور گھاس کوبروقت پانی کی فراہمی کو ہرصورت یقینی بنایا جاۓ۔ بعداازاں انہوں نے نواب مظفرخان شہید پارک تلیری کا بھی دورہ کیا اور جاری ترقیاتی کاموں کا جائزہ لیا انہوں نے کہا کہ پارک کی بحالی کا کام جلدازجلد مکمل کیا جاۓ۔انہوں نے کہا کہ پارک شہریوں کے لئے تفریح کا بہترین ذریعہ ہیں۔ان کی تعمیروبحالی ہماری اولین ترجیح ہے۔