مظفرگڑھ (مظفر گڑھ ڈاٹ سٹی۔2جولائی 2014ء) مظفر گڑھ میں خاتون سے زیادتی کے بعد ملزمان ویڈیو بنا کر بلیک میل کرتے رہے، پولیس نے مقدمہ درج کر لیا لیکن گرفتاری عمل میں نہیں آئی۔محمود کوٹ کے علاقہ گرمانی میں کھیتوں میں کام کرنے والی خاتون کو مبينہ طور پر چار افراد نے زیادتی کا نشانہ بنایا اور موبائل فون سے ویڈیو بنا کر بلیک میل کرتے رہے۔ ملزمان نے خاتون کی ویڈیو انٹرنیٹ پراپ لوڈ کردی۔متاثرہ خاندان کی درخواست پر چار افراد کے خلاف تھانہ محمود کوٹ میں مقدمہ تو درج ہوگیا لیکن کوئی ملزم گرفتار نہیں ہوا۔ خاتون نے انصاف نہ ملنے پر وزیراعظم ہاؤس کے سامنے خودکشی کی دھمکی دی ہے۔