مظفر گڑھ میں خاتون سے زیادتی کے بعد ملزمان ویڈیو بنا کر بلیک میل کرتے رہے ،پولیس نے مقدمہ درج کرلیا

مظفرگڑھ (مظفر گڑھ ڈاٹ سٹی۔ 2جولائی 2014ء) مظفر گڑھ میں خاتون سے زیادتی کے بعد ملزمان ویڈیو بنا کر بلیک میل کرتے رہے، پولیس نے مقدمہ درج کر لیا تاہم کوئی گرفتاری عمل میں نہیں آسکی میڈیا رپورٹ کے مطابق محمود کوٹ کے علاقہ گرمانی میں کھیتوں میں کام کرنے والی خاتون کو مبینہ طور پر چار افراد نے زیادتی کا نشانہ بنایا اور موبائل فون سے ویڈیو بنا کر بلیک میل کرتے رہے۔ملزمان نے خاتون کی ویڈیو انٹرنیٹ پراپ لوڈ کردی۔متاثرہ خاندان کی درخواست پر چار افراد کے خلاف تھانہ محمود کوٹ میں مقدمہ تو درج ہوگیا تاہم کوئی ملزم گرفتار نہیں ہوا۔ خاتون نے انصاف نہ ملنے پر وزیراعظم ہاوٴس کے سامنے خودکشی کی دھمکی دی ہے-