مظفرگڑھ (مظفرگڑھ ڈاٹ سٹی۔ 29 دسمبر2022ء) آئل ٹینکر کا ویل جام ہونے کے باعث ٹائر کو آگ لگ گئی۔ریسکیوکنٹرول روم مظفرگڑھ کے مطابق تھرمل بائی پاس ملتان روڈ پر المدینہ ہوٹل کے قریب آئل ٹینکر کے ویل جیم ہونے کے باعث ٹائر کو آگ لگ گئی،اطلاع ملنے پر ریسکیو کنٹرول روم مظفرگڑھ نے فوری ریسکیو اسٹیشن سے فائر وہیکل کو روانہ کروا دیا۔
آئل ٹینکر کراچی سے قصبہ گجرات جا رہا تھا جس میں تقریباً 40 ہزار سے زائد پٹرول موجود ہے۔ مقامی لوگوں کی مدد سے آئل ٹینکر کے ڈرائیور نے فوری طور پر DCP سلنڈر کا استعمال کرتے ہوئے آگ پر قابو پایا اور ٹائر کو ٹینکر سے کھول کر الگ کر دیا، ریسکیو سٹاف نے فائر وہیکل اور ایمبولینس روڈ سیفٹی کے حوالے سے آئل ٹینکر کی مرمت ہونے تک علاقے کو کارڈن آف کر دیا ہے،بر وقت کاروائی کی وجہ سے حادثے میں کسی قسم کا نقصان نہیں ہوا ہے۔