مظفرگڑھ ،شہداء کی فیملیز اور خصوصی بچوں کے لئے ڈی پی او ہاؤس میں میں پر تکلف ظہرانے کا انعقاد

مظفرگڑہ (مظفرگڑھ ڈاٹ سٹی۔ 08 مارچ2023ء) مظفرگڑھ میں پولیس شہدا و ملازمین کی ویلفئیر، شہدا کی فیملیز اور خصوصی بچے ڈی پی او ہاؤس مظفرگڑھ میں خصوصی مہمان بنے ۔ڈی پی او ہاؤس میں ڈی پی او رضا صفدر کیطرف سے پر تکلف ظہرانے کا اہتمام کیا گیا۔ ڈی پی او نے تمام شرکاء اور خصوصی بچوں کے ساتھ جا کر ملاقات کی اور تمام شرکا کو ویلفیئر اقدامات سے آگاہ کیا۔

ڈی پی او ہاؤس میں موجود جھولے بچوں کی توجہ کا مرکز بنے رہے،چھوٹے بچے جھولے جھولتے رہے اور ڈی پی او ہاؤس میں پھرتے رہے۔ ڈی پی او نے ایس پی انوسٹی گیشن تنویر احمد ملک کے ہمراہ خصوصی بچوں کے ساتھ کھانا کھایا۔گفٹ ہیمپرز دیئے اور ڈی پی او خود بچوں کو کھانا پلیٹ میں ڈال کر دیتے رہے۔ تقریب کے سٹیج پر شہدا ءکے بچوں اور خصوصی بچوں کو بٹھا کر مہمان خصوصی بنایا گیا۔ڈی پی اومظفرگڑھ نے بتایا کہ شہدا ءکی فیملیز کو گھر کی تعمیر کیلئے 10 لاکھ روپے بلا سود قرض دیا جائیگا اور تمام شہدا ءکی فیملیز کے ساتھ میں خود براہ راست رابطے میں ہوں۔