مظفرگڑھ(مظفرگڑھ ڈاٹ سٹی ۔ 13 دسمبر2021ء) وارنٹ گرفتاری کی تعمیل کےلئے جانے والے عدالتی بیلف اور پولیس پارٹی پر ملزم کا خواتین اور ساتھیوں سمیت حملہ،پولیس اور عدالتی بیلفوں پر تشدد، ایک بیلف شدید زخمی،20 خواتین سمیت 23 افراد کے خلاف مقدمہ درج،تھانہ رنگپور کی حدود میں عدالت کے جاری کردہ وارنٹ گرفتاری کی تعمیل کےلئے ملزم کی گرفتاری کے لیے گئے عدالتی بیلف نوید ساجد،کاشف، خورشید اور اے ایس آئی امتیاز و پولیس ٹیم پر ملزم محمد الیاس کا 2 نامعلوم مرد ساتھیوں اور 20 نامعلوم خواتین کے ساتھ حملہ، بیلف کاشف کو سر اور پسلیوں میں قینچی کے وار کرکے شدید زخمی کر دیا، بیلفوں سے نقدی و موبائل اور قیمتی سامان سمیت سرکاری کاغذات بھی چھین لیے، پولیس تھانہ رنگپور نے بیلف ساجد نوید کی مدعیت میں ملزم محمد الیاس اس کے 2 نامعلوم مرد ساتھیوں اور 20 نامعلوم خواتین کے خلاف مقدمہ درج کر کے ملزمان کی گرفتاری کے لیے کارروائی شروع کر دی ہے۔