مظفرگڑھ۔16 فروری(مظفر گڑھ ڈاٹ سٹی۔ 16 فروری2018ء) ڈپٹی کمشنر مظفرگڑھ محمد سیف انور نے کہا ہے کہ مظفرگڑھ میں تین روزہ پولیومکاؤ مہم کے دوران پانچ سال تک کی عمر کے آٹھ لاکھ بائیس ہزار آٹھ سو باون بچوں کو پولیو سے بچائو کے قطرے پلائے گئے اس طرح پولیو ٹیموں نے اٹھانوے فیصد حدف حاصل کیا ہے جو کہ بہت حوصلہ افزا ہے یہ بات انہوںنے تین روزہ پولیو مہم کے سلسلہ میں منعقد ہ جائزہ اجلاس کی صدارت کی جسمیں ڈاکٹر شاہد حسین مگسی نے شرکاء کو بتایا کہ تین روزہ مہم کے دوران ایک سال سے پانچ سال تک کے آٹھ لاکھ بائیس ہزار آٹھ سو باون بچوں کو پولیو سے بچائو کے قطرے پلائے گئے جو کہ خوش آئند ہے جبکہ دو فیصد رہ جانے والے اور انکاری بچوں کی کوریج کیلئے دو دن کا کیچ اپ پلان تیار یا گیا ہے مہم کے دوران غلط جائزہ رپورٹ پیش کرنے اور مائیکرپلان کی تیاری میں کوتاہی برتنے پر پانچ ملازمین کے خلاف محکمانہ کاروائی عمل میں لائی گئی اس موقع پر ڈپٹی کمشنر نے مہم کے کامیاب انعقاد پر محکمہ صحت کی انتظامیہ اور ٹیموں کی کارکردگی کو سراہا انہوں نے تمام یو سی ایم اوز اور ایریا انچارج کو متنبہ کیا کہ وہ کیچ اپ کے دوران اپنے اپنے علاقوں میں موجوود رہیں اور کیچ اپ پلان پر عملدرآمد سو فیصد یقینی بنائیں تاکہ تھرڈ پارٹی کی جانب سے سروے کے دوران کوئی بے ضابطگی رپورٹ نہ ہواور ہی کوئی بچہ قطروں سے محروم نہ پایا جائے بصورت دیگر ذمہ داران کے خلاف سخت تادیبی کاروائی عمل میں لائی جائیگی آخر میں ڈپٹی کمشنر نے مہم کے دوران مثالی تعاون پر نمائیدگان ڈبلیو ایچ او یونیسف علماء کرم اساتذہ رضاکار تنظیموں اور پولیس کا شکریہ ادا کیا ڈاکٹر طارق محمود ڈی ایچ او ڈاکٹر عمران جتوئی ڈاکٹر عادل لغاری ڈبلیو ایچ اوڈاکٹر راشد محمود یونیسف ڈاکٹر اللہ بخش ڈپٹی دی ایچ او مظفرگڑھ عدنان لغاری میڈیا کوارڈینیٹر محکمہ صحت یوسی ایم اوز اور ایریا انچارج نے بھی اجلاس میں شرکت کی۔