مظفرگڑھ، پولیس نے بچے سے زیادتی کرنے والے ملزم کوگرفتار کرلیا، مقدمنہ درج

مظفرگڑھ ۔ (مظفرگڑھ ڈاٹ سٹی ۔ 05 اکتوبر2019ء) 5 سالہ بچے کے ساتھ زیادتی کرنے والاملزم پولیس نے 24 گھنٹوں میں گرفتار کرلیا۔تفصیل کے مطابق 5 سالہ بچے (ت) سے زیادتی کی اطلاع پر پولیس نے مقدمہ درج کرتے ہوئے بچے کو ہیسپتال منتقل کرتے ہوئے شہادتیں اکٹھی کیں،جبکہ ملزم جائے وقوعہ سے پہلے ہی فرار ہو چکا تھا۔
ڈی پی او صادق علی ڈوگر کے نوٹس پر ملزم کی گرفتاری کیلئے خصوصی ٹیمیں تشکیل دی گئیں جنہوں نے حکمت عملی سے کام لیتے ہوئے ملزم باسط کو 24 گھنٹوں میں ٹریس کرکے گرفتار کر لیا۔ ڈی پی او کی ہدایات کے مطابق بچوں سے جنسی جرائم پر زیرو ٹالرنس کی پالیسی ضلع بھر میں اپنائی جا رہی ہے اور ان مقدمات کے آغاز سے فیصلے تک ایس او پی پر عملدرامد کیا جا رہا ہے۔