مظفرگڑھ، تیز رفتار کار ٹائر برسٹ ہو کر الٹنے کی وجہ سے 2 افراد موقع پر جاں بحق،3 افراد زخمی

مظفرگڑھ (مظفرگڑھ ڈاٹ سٹی۔ 16 مئی2022ء) تیز رفتار کار ٹائر برسٹ ہو کر الٹنے کی وجہ سے 2 افراد موقع پر جاں بحق،3 افراد زخمی ہو گئے ،گزشتہ شب ایس ایچ او تھانہ بیٹ میر ہزار زوار حسین کی طرف سے ریسکیو کنٹرول روم مظفرگڑھ کو موصول ہونے والی اطلاع کے مطابق مظفرگڑھ کی تحصیل جتوئی میں تھانہ بیٹ میر ہزار کے قریب ایک تیز رفتار کار ٹائر برسٹ ہونے سے الٹ گئی جس کے نتیجے میں بستی کچھی والاموضع سندیلہ تحصیل جتوئی کے رہائشی 38 سالہ محمد اصغر ولد رسول بخش اور 20 سالہ محمد طیب ولد قاری غلام اکبر موقع پر جاں بحق ہو گئے اور تین لوگ زخمی ہو گئے جنہیں مقامی لوگوں نے اپنی مدد آپ کے تحت ہسپتال پہنچا دیا،اطلاع ملنے پر ریسکیو کنٹرول روم مظفرگڑھ نے فوراَ شہر سلطان سے ایمبولینس کو جائے حادثہ پر روانہ کروادیا۔

ریسکیو سٹاف نے جائے حادثہ پر پہنچ کر لاشوں کو ڈیڈ شیٹ سے کور کرنے کے بعد ٹی ایچ کیو ہسپتال جتوئی منتقل کردیا ۔\378